【睇文前留意喇】

第二場香港區簽名會將於1月8日舉行，期待見到你：goo.gl/wLLCcQ

有嘗過以下的經歷嗎？

**扮傻型**
「好耐冇見喇，得閒出嚟食個飯嗎？」
（三天後…）
「呢排好忙呀，我過兩星期得閒再約你丫！」
（一個月後仍沒反應…）
「點呀，最近仲好忙呀？仲聚唔聚呀？」
「吓？聚咩呀？有約過咩？」

**扮失憶型**
「阿明仔下個月去Working Holiday喇，臨走前大家食餐飯丫！」
（…）
「點呀？佢下星期飛喇，不如weekend約啦，大家得閒嗎？」
A:「Sorry呀之前唔記得覆你，我今個星期唔得閒呀」
B:「我都係呀，之前太忙skip咗你地個message」
C:「係咩？佢下星期走拿？Sorry呀我已經約咗人」
D:「我都唔記得咗覆呀，唔緊要啦，返嚟再約啦，一路順風喇明仔 :)」
（…）

**扮串嘴型**
「你最近點呀？出嚟飲杯嘢吹下水丫！」
「好呀，不過我呢幾日好忙，未firm到幾時得閒住，下星期搵日丫，我再覆你。」
（下星期…）
「今個星期係咪飲嘢呀？邊日得閒先XD」
「我有應承過咩？」
「你話今個星期丫嗎。」
「吓？我從來約人唔會約實架啦，冇覆實你你唔係當真呀？」
（…）

**扮大牌型**
「我最近加咗人工升咗職，請大家請飯丫」（利申：這不是小弟）
「好呀」「幾時呀」「多謝你呀」
「拿，係咪個個都出嚟先？講明呀，我要阿A阿B阿C阿D阿E全部都出我先出，老老實實，阿F如果出現，唔駛旨意我出現」
（群組入面，你真係當佢透明嘅阿F）「我就係要去呀，你唔好嚟丫笨！」
「你依家係咪玩嘢呀？幾廿歲人小學雞咁！」
「我覺得你似小學雞囉！」
「Fine！仆街啦你，我唔會再回應，你地自己食飽佢啦吓」
（然後，群組回歸平靜，一場罵戰令其不了了之）

一年前曾經撰文寫過，要珍惜還會應約的朋友，漸漸發現，原來對比珍惜還會應約的人，倒不如說，珍惜還會回覆的人。不知道甚麼時候開始，身邊每一個人都會被「忙」沖昏了頭腦，每一個人都在說自己很「忙」，其實一點兒也不「忙」，只不過是「懶」去作一些交際應酬。這就是一個很大的問題，從哪時開始，朋友之間見面、昔日的「死黨」聚會竟然變成了公式化的「應酬」？難道，我們在公事上的「應酬」還不夠多，就連朋友聚會都變成了「應酬」？

我不知道別人眼中「應酬」的定義是甚麼，我可從不覺得與朋友聚會、食一餐「生日飯」、「餞別飯」、「升職飯」是甚麼「應酬」，朋友，是真要約出來見面、需要維繫；難得有人當個搞手、有人閒時會想起你，證明你在對方心目中的地位不淺。難道，每人手機中有幾百個contact，大家真會每個contact都逐一邀約「飯局」？不，就是當你是朋友，才會邀約、才會聊天。

我明白，人長大了，確有不同的圈子，再非中學大學時期一班人的「圍圍喂」，可能大家有了另一半，甚至已有了家庭，又或是在各圈子中又有了新朋友，但是，這些「由細玩到大」、患難與共的好朋友，難道就成了過眼雲煙嗎？許多聚會，可能約得來，幾乎是半年一次、一年一次，難道你真會「忙」得一年都抽不到一天時間嗎？

最反感的是，現今通訊發達，人人都是機不離身，更連Whatsapp都令人查到是否「已讀不回」時，還有人會用甚麼看不到Message、忘記了回覆等等說法；當你無時無刻都在update fb/ ig時，你真能掙大眼睛說自己沒有看過手機、那些notification都是幻象嗎？

說穿了，其實他們根本沒有太大興趣去見你、不把這些聚會認真看待，又或是，當了你是一個後備，沒有人邀約了，便答應你的「飯局」，所以才無限delay message，直至最後一刻才「覆實」你。我明白，可能你約一兩星期內的事，對於各位「大忙人」，或許真已一早既定了schedule，但未來一個月，真的沒有一日肯定到自己schedule嗎？最後肯定得了，又不能回覆一下對方嗎？

我自己的想法是，若A先行約了你，你自然不會應約遲來B的約會。假如，你真覺得B較A重要的話，你倒不如一下子拒絕A好了，為甚麼「唔嗲唔吊」、浪費別人／一班人在等候你一個人的「金口」？

我非聖人，自己都有不肯定schedule的時候，我也明白有時候真不知道哪天會突然要加班，又或是，你的確先約了另一群組，但那邊還未覆實日子。待我一肯定了，便會馬上回覆「我下星期X嚟到，預埋我！」，但對於許多人來說，這態度有點難。

最近看到兩個好友群組中，真因為「約飯局」約得不歡而散，突然有感。我不知道對方是否人愈大愈多朋友、於我而言，只覺人愈大愈少朋友，要珍惜的，請好好珍惜了。或許有人會覺得：「呢D人Keep嚟都多餘，同佢食飯都無謂啦」，只是，當身邊很多人都是這樣子時，你不斷覺得「Keep嚟都多餘」，許多「由細玩到大」的人，便會從此消失在你的生命裡。

自己作為老是主動約人的一方，也累了。

緊記，朋友，不是用來應酬，而是用來維繫。

除非，你根本沒有當過對方是朋友。

 

【延伸閱讀】如果有多一張機票，你願意跟我一起飛嗎？

【延伸閱讀】請珍惜還會應約的朋友

 

小弟用五年時間籌備的小說《澳洲首都不是悉尼：打工度假不似預期》反應熱烈，第二批貨現已到港，歡迎直接下單：goo.gl/J9QdBR

台灣書局兼網上平台亦已上架，可去文中連結購買：goo.gl/xzCymP

 

「晞。觀影記事」Facebook Page:
www.facebook.com/jackyheimovie

「有故事的旅人」Facebook Page:
www.facebook.com/360.days.in.australia