見工奇遇記(Part 10):一日三連伏體驗

今次不如用三個短篇。話說我最高峰期一日會見三四份工,最癲係迫到同一條街見三份,如果你都係同行,應該明白觀塘見工好正常。有一次就一日見咗三份工,三份都各具特色。

 

公司1:「其實你都咁上下年紀,點解仲未結婚?係咪有咩Concern?」
我:「(吓???)咁冇話con唔concern嘅,有適合對象我都會想結婚嘅」
公司1:「咁你想而又未去做,即係你個人好唔stable啦?定係你同時有幾個女朋友揀唔到?我哋唔鍾意同事亂搞男女關係喎。」
暗爽咗,多謝你覺得我唔係溝唔到女可憐蟲。
原來今時今日請人準則係要結咗婚先得,咁睇嚟我終於知點解自己搵唔到工。謎團終於解開。

 

公司2:「你可唔可以講吓你之前做過Campaign最成功嘅一個?」
我:「冇問題,我之前同client xxx做過一次…」
公司2:「丫得得得,我知你想講咩。咁你有冇遇過咩客相處得最開心?」
我:「當然有啦,我曾經合作過一個客…」
公司2:「得明白唔駛講,知你想講咩。咁不如分享吓你比較失敗嘅經驗?」
我:「我有次…」
公司2:「得得得,明白曬。」
你明白曬我未講嘅嘢,叫我上嚟見做乜?我最唔明嘅係,我冇一個故事成功分享到,我一落街佢打嚟請咗我,只係壓價一萬——你冇睇錯,唔係一千,係一萬。

文字工作者也得要吃飯,你的支持是我寫下去的原動力。請給點心意,給小弟走更遠的路,寫更多好文章,歡迎透過以下QR Code課金以作支持:
75486099_723429001505181_3402665167123644416_n
同時,你也可透過Payme link:https://payme.hsbc/jackyhei
或Paypal捐款:paypal.me/jackyhei

公司3:「其實我睇咗你page好耐,真心好鐘意睇你寫嘢,你介紹啲戲我都有睇架,都好欣賞你資料咁全面,香港我淨係睇你咋。」
我:「(好哋哋讚人一定有陰謀)哈哈哈,多謝你支持。」
公司3:「我幾鍾意你d style,都希望可以帶到入我哋公司。」
我:「當然啦,如果請咗我,都可以用呢種風格帶入你公司。」
公司3:「其實我哋都想pitch一啲影視娛樂呀電影呀串流平台嘅客,我見你資訊出得咁快,應該都識行內公司有新聞稿?你有呢方面connection架可?」
我:「(以我所知應該,呢行人人唔係in-house都已有agency跟緊)有呀。」
公司3:「你方唔方便俾我哋?」
我:「咁如果我入到嚟做,當然都可以line-up嘅。」
公司3:「我意思係,你介唔介意依家show俾我睇?有冇佢哋啲電話?邊間公司?」
我:「吓而家?」
公司3:「係呀,唔洗俾曬,俾住一兩個咁啦。」
繼好耐以前written test俾人攞嚟當正稿出後,依家啲公司愈來愈進取架喎。

 

=====

 

後記:話說我見公司2時,等咗一個鐘,習以為常。嚟到時旁邊等緊applicant,燥底咗,問我見幾點,我話12點。果時11:45,佢原來見11點,仲未見,極燥。我心諗,我見12點,條友2點半先見你都好正常。

 

佢好嬲話,其實咁多公司可幫HR Screen out邊啲奇怪applicant,做乜冇人整樣嘢見工前幫人screen out走有咩濕鳩公司?原來,佢同我一樣,都係見三份工,不過佢似乎冇經驗,schedule迫到好密,一份一遲,其他就仆街。

 

我初頭覺得,佢呢個idea只係燥底發脾氣諗出嚟,事後回想,喂好似有得諗!

 

【延伸閱讀】見工奇遇記(Part 9):你唔得閒,我都唔得閒

 

✨電影網店現已開幕,多款電影海報、電影精品低至$5起,快啲嚟睇啦:https://bit.ly/3qLPkpk

 

「晞。觀影記事」Patreon加強版已經開幕,精選深度獨家電影文章,請即按此訂閱!

 

感謝各位支持,小弟執筆之原創小說,私人貨存已全部售罄,有意者繼續可到此文章內的連結購買!

 

更多資訊及文章,請Like Fb Page:
【有故事的旅人】
【晞。觀影記事】
MeWe: travelerwithmovie

發表迴響