【睇文前留意喇！】
一年一度新春大優惠！由即日起至2月9日憑優惠碼「movie25」可於網店享全單七折、Patreon更可以獨家優惠碼，享全單半價優惠！請即到電影網店選購心水貨品！
英文片名：Late Night with the Devil
《與魔鬼度深夜》早前已先觀看，且已撰寫觀後感短評，近日在Netflix上架，在此直接把早前的短評上載，故全文只以口語為主，敬請見諒。
《與魔鬼度深夜》喺多個網站都被選為目前年度最佳恐怖片，以單單15萬美元製作費喺全球大收過千萬，成為恐怖片平台Shudder同發行IFC最高票房嘅作品。故事好簡單，一如其名講個深宵節目主持人為咗谷收視，請一位靈體附身嘅女仔上電視，要喺全國觀眾面前進行驅魔直播，結果當然瀨嘢。
如果觀眾要求分分秒秒都有驚嚇位，可能會接受唔到。《與魔鬼度深夜》前大半段完全冇任何驚嚇位，就如你睇無數套美國Talk show一樣，有搞笑有互動，就慢慢會發現氣氛唔多對路、場面都愈來愈詭異，睇落唔相關情節如靈媒突然嘔、女仔不斷望住電視笑，都會令你心寒，而主持人背後嘅故事都同劇情息息相關，都喺呢場talk show入面慢慢揭露。
《與魔鬼度深夜》成功在以氣氛取勝，即使故事大體都係果啲嘢，都會令你好好奇故事點樣發展落去、有咩意外出現，主持人背後又有咩經歷；畫面不斷以唔同比例、彩色同黑白轉接，話你知幾時係現實、幾時係錄影片段，睇得多「Found footage」作品，印象中又冇乜係大型到變成一個電視節目，咁樣嘅鋪排都係必需嘅。
除咗講驅魔，《與魔鬼度深夜》故事咁樣拍法，都想令觀眾有種電視節目嘅感覺，令你質疑到底你睇緊嘅嘢係真定假，甚至令你相信係一個真實故事。劇情除咗安排驅魔，都有個魔法師，上場要踢爆驅魔只係呃神騙鬼，呢個角色尖酸刻劃嘅對白令套戲增加唔少花生位，中段嚟場催眠，催眠曬所有觀眾（都包括睇緊套戲嘅你），可以喺咁低成本靠剪接做到場詭異催眠效果，係套戲神來之筆。
文字工作者也得要吃飯，你的支持是我寫下去的原動力。請給點心意，給小弟走更遠的路，寫更多好文章，歡迎透過以下QR Code課金以作支持：
同時，你也可透過Payme link：https://payme.hsbc/jackyhei
或Paypal捐款：paypal.me/jackyhei
魔鬼真正出場，已經係《與魔鬼度深夜》結局最後十分鐘，典型大屠殺喺資金所限下，或者相對失色，反而係主角陷入崩潰，一時間分唔清係虛構記憶定現實，如墮迷霧嘅一連串影像幾有衝擊性，都同之前嘅催眠互相呼應，唔駛太多恐怖場面都達到效果，成套戲一路維持住70年代風格嘅拍攝手法都幾有趣味，David Dastmalchian（《自殺特攻》沒有超能暴隊版嘅波點人）可能個樣做唔到太多正常角色，演呢啲creepy角色好得，成套戲靠佢帶足全場。
《與魔鬼度深夜》捧到年度最佳，可能係今年冇乜極出色恐怖片，個人又覺得未至於好到咁，但好明顯睇得出極低成本、無論戲內戲外都極電視製作，可以拍到個咁樣效果，又收貨有餘啦。《與魔鬼度深夜》日本電影海報現已上架，請即到此選購！
【最新戲院文章】中美戲院遊（Part 3）：墨西哥篇｜拉丁美洲難得處處有戲院！這格式比當地IMAX戲院更大？！
【最新電影專題】2024年10大最高點擊文章｜縱創開網16年新低位，惟第一位絕對意想不到！
✨電影網店現已開幕，多款電影海報、電影精品低至$5起，立即按此搶購！✨
「晞。觀影記事」Patreon加強版已經開幕，精選深度獨家電影文章，請即按此訂閱！
更多資訊及文章，請Like Fb Page：
【有故事的旅人】
【晞。觀影記事】
