再三多謝，上次諗住細搞，點知全場滿座到要加位，一再多謝大家厚愛同嘅支持！
唔好意思，應承咗大家會做多場，但因為種種原因，搞咗咁耐先有第二場。
上次嚟唔到嘅朋友，希望今次可以見到你，因為今次係為你哋而設；
上次嚟過嘅朋友，我唔會呃大家話全新內容，呢個題目我始終想分享俾更多朋友知，所以都會沿用返上次個講稿。不過，我又唔會同上次完全一樣，有八成相同，會加減返少少嘅。你想聽多次，我都無任歡迎架。
今次我會注意時間，俾大家break同多少少互動架喇
以防上次大家冇留意，等我Recap返內容：
。已經消失、全球最大嘅Sydney Darling Harbour IMAX可以有幾大？
。已經消失、全球最古老放映菲林嘅露天戲院係點？
。已經消失、變成全球面積最大IMAX嘅Mann’s Theatre睇戲有咩感覺？
。巴爾幹半島睇戲可以有幾平？
。大陸睇戲真係咁地獄？
。印度睇戲係咩玩法？
。喺外國睇人生最癲嘅一場戲係點？
。喺美國首日睇大片氣氛可以有幾好？
。有邊幾套戲令我決心要去某某地方？
。唔同地方睇戲，觀眾反應同文化有咩唔同？
。搵完一個電影場景，附近延伸咗咩地方令我更驚喜？
。有咩景點係去完似曾相識，先知道係電影場景？
。。。諸如此類。
我唔期望可以好似上次咁好反應，目標有一半都已經好滿足；我唔敢擔保第三次，呢場「加場」，都要計好多因素先至做，唔係話搞就搞、pop一聲就彈出嚟，所以，想嚟嘅希望你哋會報名啦。
拿，好多人話星期六唔得，所以上次先星期日，咁又有一班話星期日唔得、星期六就得，今次先特登揀星期六就返大家（如果係星期日我唔駛等到五月先有期），又有人話我上次得半個月通知太急，我今次就俾足一個月時間。
姐係咁，如果閣下星期一至日都唔得，又或者覺得一個月前通知都太急需要一年通知嘅話，我真係唔識target你喇，請唔好又留埋啲廢話鬧我唔問大家意見喇吓。
溫馨提示：再三重申，呢個唔係圍圈圈傾計嘅「吹水會」，係我講唔駛大家講，唔駛覺得怕醜怕尷尬唔識講嘢。上次真係好多同我用呢個理由話「驚」，er.. 我唔知驚乜，放心喎，我唔會食咗你。仲驚可以睇吓上次聚會係咩模式：goo.gl/nrrbCZ
Anyway，如果大家有興趣參加，麻煩like呢個post兼Facebook Inbox小弟，願意share幫手宣傳埋當然最好啦（「有故事的旅人」或「晞。觀影記事」皆可），告知全名、電話同人數，之後會再俾埋入數方法大家，一經入數確認，恕不退款。
如果有電影公司或者傳媒朋友有興趣，都歡迎參加！
更多資訊及文章，請Like Fb Page：
【有故事的旅人】
【晞。觀影記事】
IG請Follow：
#travelerwithmovie
