喺呢一年半搞咗十次分享會後，第11場分享會，就用新鮮滾熱辣嘅南美做主題啦。

由我on-trip到返嚟香港，都收到好多讀者問我好多關於南美嘅旅遊資訊，當中當然有好多係傳統人對南美嘅誤解，甚至連我自己出發前都同你一樣咁諗過，例如：

。唔識西班牙文係咪去唔到南美？
。南美搭巴士係咪成日有意外？
。南美交通係咪成日Delay？
。哥倫比亞仲係罪惡之城？
。去南美要預定一筆財物俾人偷？

實地去過，自然知道有啲真、有啲假，有啲半真半假咁啦，我會同你分享自己親身體驗過嘅經歷！仲有，當然離不開大家最有興趣知道，網上好似好多資訊，但其實睇完都好混亂嘅問題：

。玻利維亞點樣入最好、要準備啲乜？
。天空之鏡要Join咩團先睇到？最好預留幾日？點去Uyuni最好？
。馬丘比丘最平嘅方法係乜？有幾多種方法？買唔買定飛好？
。點樣玩復活節島最慳錢？
。有咩著名景點會出現高原反應？
。去一轉南美要洗幾多錢？
。唔識西班牙文點叫嘢食？贈幾個必吃菜式名俾你！

當然，我都會簡單介紹自己嘅行程同景點，例如相對較冷門嘅秘魯利馬北部、智利聖地牙哥南部到Patagonia前、哥倫比亞波哥大西部，仲有或自己經歷或目擊到，你想像唔到、爬文都冇嘅意外同故事！

有興趣嘅朋友，希望以下時間見到你啦：
日期：2018年9月1日（星期六）
時間：16:00-18:00
地點：了了 Liaotistic（銅鑼灣駱克道501號4樓）
費用：HK$80/ 位（場地費用已包括果汁及汽水，歡迎隨便享用）
報名：goo.gl/TqDEz6
在場可以優惠價HK$100購買小弟旅遊系小說《澳洲首都不是悉尼：打工度假不似預期》