就咁睇個故事簡介，一個男人迷戀個女人，為求奪得美人歸，用盡各種辦法跟蹤佢、起佢底，但當你咁樣做時，對方又係咪你想像中咁完美？你「黑暗」時佢都未必好得去邊。互喺Social Media「查案」、睇對方電話，相信時下好多人，無論係男係女都會咁樣做，睇頭兩集好難想像點拍到做套劇，估你唔到又拍足十集都仲有爆點，而第二季仲嚟緊，個故事幅度都有需要咁長。
故事講到男主角咁神通廣大，完全當一班警察呀私家偵探呀朋友呀白癡咁（可能都諷刺到當今世代人情幾咁膚淺，Social Media冇「蒲頭」就唔會理呢個人生死），佢話點就點好，好似有少少誇張咗，所以主線當做懸疑劇、驚慄劇睇，都一如同類作品，不斷回憶倒敘又會發現更多新爆點，所以睇時唔好拗咁多，都幾有娛樂性，反而我幾鍾意套劇入面嘅陰暗愛情觀。
今時今日，男人最怕俾人叫做「好男人」，寧願俾人叫賤男或仆街，都好過俾人一個「好男人」貞節牌坊笠到落腳指尾，之但係「賤男」是如何煉成的、曾經俾過咩人深深傷害過搞到咁樣、唔再輕易相信人，睇到中段呢個關係逆轉（相信都係第二季重點）寫得幾有戲味。甚至，因為一個男人「好」嘅一面，帶出咗另一個陰暗惡果，都幾有諷刺意味。無論男好女好，現今世代講求即食愛情，快嚟快去，人人講求嘅係感覺、講求嘅係Tinder/ CMB等等程式秒速掃左定右，但當你睇樣、用第一感覺、用對方Social Media account去判斷一個人一定係仆街、一定係好人時，又有幾多人願意去睇清果個人背後真正一面？
最後，當人與人之間關係靠Social Media同Message/ Whatsapp維繫，要避一個人就唔覆唔聽、搞唔掂就Block鬼咗佢，係新世代解決問題嘅最好方法，但當問題本質冇解決到，會唔會又演變成另一樣嘢？當我哋都相信Social Media上面每一個人展現自己嘅最好一面時，有冇諗過，果個人根本唔係「果個人」，甚至已經唔係「果個人」管理緊個account？
睇套「愛情劇」，好難得會覺得男女主角兩個根本唔襯，彼此之間係「佔有」多過「愛」，而兩個都係「姣婆遇著脂粉客」，男女主角你會愈睇愈憎佢兩條麻煩友（回想一下身邊又何嘗冇呢啲「各自各搵食」嘅八公八婆），正正因為咁，你又好「花生」佢兩條友最後會走出條咩路，成為呢套劇嘅一大追看賣點。Well，都好可能係大家對身邊「姣婆脂粉客」關係嘅寫照，好「花生」佢哋會唔會步入教堂。
文字工作者也得要吃飯，你的支持是我寫下去的原動力。請給點心意，給小弟走更遠的路，寫更多好文章，歡迎透過payme以下連結或QR Code課金以作支持：payme.hsbc/jackyhei
同時，你也可透過Paypal捐款：paypal.me/jackyhei
與其話係一套驚慄劇，我會覺得係誇張咗少少嘅寫實劇，睇時你唔難諗起身邊何嘗有個咁嘅朋友、都好易會諗起你以前嘅他或她，都有咁樣對你做過，甚至，依家仲係咁做緊。
另一賣點係Shay Mitchell，可能唔算咩大明星，事前從冇留意過佢。喺劇入面演個典型嘅八婆，演得「Bitchy」到會睇得你咬牙切齒。如果你追個女仔，佢身邊有個咁樣八婆，仲要係有錢睇唔起人八婆，你都真係冇運行。
但係，一路睇你會一路覺得：She is such a fucking bitch, but she is so damn hot. 搶盡全劇風頭呀喂！
【延伸閱讀】當一段關係淪為了「掃左」或「掃右」時
‼最後機會‼
小弟執筆之原創小說已賣剩最後一批，售完即止，請即訂購：http://bit.ly/2PKXYFA
台灣書局兼網上平台亦已上架，可去文中連結購買：goo.gl/xzCymP
更多資訊及文章，請Like Fb Page：
【有故事的旅人】
【晞。觀影記事】
IG請Follow：
#travelerwithmovie
