切爾諾貝爾：傷心的兒童：影史最佳神劇？

《Chernobyl》（HBO叫《切爾諾貝爾：傷心的兒童》，好似譯多咗）被捧到係影史最佳神劇，係咪真係「神」到咁？個人係有少少保留嘅。

我同意，用一套「歷史劇」嚟睇，佢資料搜集之認真，真係認真到嚇死人，甚至大結局一集夠膽死就咁「歷史還原」、用咁科學角度去講發生咗咩事，老老實實，小弟文科出身，大結局果集唔係好明佢講乜，但見佢將時序、人物、事件細節咁樣還原，係佩服嘅。

尤其是，你知道佢係《醉爆伴郎團》第二、三集、《搞乜鬼奪命雜作》系列編劇，你會更佩服，佢係有料嘅，之前「雜作」係搵兩餐姐。

你話睇劇力係有，尤其喺今時今日咁嘅局面，睇到呢位科學家不畏強權、對抗真相，甚至命都唔要，都要將「真相」講出嚟，睇時係覺得好感動嘅－－當然話美國人視點係咪刻意抹黑蘇聯，又係另一單嘢啦。

之但係，套劇係好就好睇，係咪又因為資料搜集充足，又有意思，就俾人捧到影史最好評呢（目前imdb 9.6分）？我又覺得過譽咗。

文字工作者也得要吃飯，你的支持是我寫下去的原動力。請給點心意，給小弟走更遠的路，寫更多好文章，歡迎透過payme以下連結或QR Code課金以作支持：payme.hsbc/jackyhei

同時，你也可透過Paypal捐款：paypal.me/jackyhei

我明白套劇唔係要拍成動作特技災難片－－雖然第一集都好緊張，但次次明顯去到最緊張環節就即刻調頭cut咗變文戲，除咗第一集係好明顯特登將所有緊張場面唔拍，睇時都幾冇癮。你一係直頭唔好「有意」去拍，咁拍完有少少吊觀眾胃口。

而且，成套劇資料搜集充足到多過頭，要拆成唔同視點、唔同時間、唔同角度，而中間果幾集跳tone得太勁，將時序拆來拆去，未至於係跟唔到，但不斷視點同時空轉接都拍得幾混亂，亦有唔少情節剪走都無妨。有感係搵咗料，不如就出埋街啦，過多材料塞出嚟又係咪好事呢？

我同意呢套絕對係一套「好劇」，但又未至於去到「神劇」，捧到成為咗「神劇」期望極高，點知愈睇愈有落差，似乎佢嘅「神」，都係因為資料搜集同「有意思」而「神」...

 

‼最後機會‼

小弟執筆之原創小說已賣剩最後一批，售完即止，請即訂購：http://bit.ly/2PKXYFA

 

台灣書局兼網上平台亦已上架，可去文中連結購買：goo.gl/xzCymP

 

更多資訊及文章，請Like Fb Page：
【有故事的旅人】
【晞。觀影記事】

 

IG請Follow：
#travelerwithmovie