睇文前留意喇！
1.第7屆晞。觀影記事讀者電影投選現已接受投票，請躍躍參加啦：http://bit.ly/392BwQ2
2. 「晞。觀影記事」Patreon加強版已經開幕，精選深度獨家電影文章，請即訂閱：https://bit.ly/2TS6BiE
英文片名：Apostile
睇得太多恐怖片，Netflix就會不斷同你推介恐怖片，而《使徒》都算係經常彈出嚟嘅一套。見佢長達兩個幾鐘，仲要係古裝片，一直都冇的起心肝去睇，直至開始發現睇無可睇不如睇吓，咦喂原來係《突擊死亡塔》系列導演，有睇頭喎！
《使徒》故事好簡單，講個女仔俾班人捉咗去個荒島，要求有錢屋企俾贖金，佢阿哥就單一匹馬上個島救佢，點知發現原來係個邪教島，上得去唔係咁易出得返嚟，就算搵Liam Neeson都唔係咁易救到參果隻。
文字工作者也得要吃飯，你的支持是我寫下去的原動力。請給點心意，給小弟走更遠的路，寫更多好文章，歡迎透過以下QR Code課金以作支持：
同時，你也可透過Payme link：https://payme.hsbc/jackyhei
或Paypal捐款：paypal.me/jackyhei
作為一套邪教片，又去到個偏遠地方，初時以為係《仲夏魘》果種，原來又唔係，島上面係有個要血祭嘅神（你當佢係神啦，喺度唔劇透），但更癡線係班所謂嘅「先知」，人心比邪魔更可怕，如是者，《使徒》未必算係邪教題材，更似困獸鬥暴力片。
故事雖然簡單，但係《使徒》長達兩個幾鐘又冇咩悶場，除咗主角救妹妹過程、愈行愈發現多奇怪嘢外，島上面另一條好似冇乜關係嘅支線，漸漸又同主線連貫，會令你愈睇愈把火，仲有場超變態嘅酷刑－－唔知點解我以為玩「男人最痛」，點知拍出嚟果種「痛」仲變態，個「刑具」「抽」返出嚟果吓勁迫真。咁簡單故事，《使徒》兩個幾鐘不斷有新爆點，你以為差唔多完，點知仲有新嘢發生；當你以為已經癲無可癲，終極仲嚟多個「人肉扭扭機」，個concept大開眼界，好L痛呀！
睇過《突擊死亡塔》都知道導演玩血腥有一手，同時玩鏡頭都好犀利，作為一套你以為賣弄血腥、低成本嘅「邪教片」，《使徒》竟然有唔少好靚嘅鏡頭同大場面（開頭就咁影架湖邊行過火車已經勁靚），再加埋島上面壯麗風光又不時拉遠佢咁影，估唔到呢類戲會有咁鏡頭。雖然長達兩個鐘，《使徒》初頭節奏係有少少慢，又未至於悶果隻。唔可以話係「恐怖片」，反而更似動作片、劇情片，最後果半粒鐘玩到「折磨人體大觀園」，好此道者都堅投入嘅，將個邪教故事拍到咁，算係難得一見。
【最新生活文章】好耐冇見喇，你點呀？
【最新旅遊文章】【西貢行山】香港本土最東端：遠征長咀！
感謝各位支持，小弟執筆之原創小說，私人貨存已全部售罄，有意者繼續可到此文章內的連結購買！
更多資訊及文章，請Like Fb Page：
【有故事的旅人】
【晞。觀影記事】
IG請Follow：
#travelerwithmovie
