我的八爪魚老師:一場詭異而漫妙嘅大自然樂章

我的八爪魚老師 NETFLIX 影評

英文片名:My Octopus Teacher

 

喺Netflix開始睇到冇咩好睇,咁既然呢期睇開紀錄片,不如睇埋呢套。《我的八爪魚老師》係舊年奧斯卡最佳紀錄長片得主,難得佢冇任何政治因素,都唔係一類左膠大愛式紀錄片,實實在在寫個人同大自然關係嘅故事、一段純過蒸餾水嘅關係,又會令你好緊張都好感動。

 

真心個故事初頭有少少詭異嘅,講個男人潛水突然對隻八爪魚有興趣,好想去研究佢,就日日潛水去搵佢,仲要潛足超過一年。呢位男主角受訪者,本身都有少少陰陽怪氣,訪問嘅聲調都會令你覺得有少少悶,佢對八爪魚果種狂熱同執迷,直頭覺得佢有病咁,初時係投入唔到。

 

不過,個故事慢慢發展落去——即使你仲係投入唔到佢做乜咁樣,睇住佢同隻八爪魚之間嘅互動,連隻八爪魚都當咗佢係朋友咁,幾次肢體接觸竟然睇到感動,而主角點樣陪住八爪魚長大,睇住佢走過成段生命,經歷種種意外,開始令你投入到個故事。或者好多時啲嘢係不問原因、就係單純嘅感動,已可以改變到彼此嘅生命。呢種關係就好似人與人之間嘅感情一樣,唔係話分開就分開,又或者講,你當佢係隻寵物咁,自自然然會有咗感情。

 

唔係好知套戲點樣拍出嚟,到底係主角先去紀錄呢件事,定還是事後再剪接返成個故事,睇返資料佢係有導演幫手拍嘅。事關成套戲鏡頭用得極靚,甚至遠勝一堆Discovery Channel嘅海洋生態紀錄片,幾場動作場面仲要左穿右插,睇到你都緊張埋。成套戲鏡頭調度完全展現到你想睇嘅嘢,亦都講到佢想講嘅主題,獨論拍攝技術已經好精彩。

文字工作者也得要吃飯,你的支持是我寫下去的原動力。請給點心意,給小弟走更遠的路,寫更多好文章,歡迎透過以下QR Code課金以作支持:
75486099_723429001505181_3402665167123644416_n
同時,你也可透過Payme link:https://payme.hsbc/jackyhei
或Paypal捐款:paypal.me/jackyhei

我諗睇完唔可以講佢劇情好好,或成件事好好睇,而係好展現到人同大自然之間微妙嘅互動,唔係下下叫你愛護大自然、要點樣去環保、記得珍惜生命,套戲唔駛好說教講到咁突兀,反而就咁寫一段最自然平實嘅關係,一切都已經好明顯咁表達到。

 

睇完最羨慕嘅係,外國人真係可以咁得閒日日去潛水,都可以有間咁嘅大屋。如果佢冇呃你,真係一年三百幾日都咁堅持日日去潛水的話,就算佢本身有嘢做,都真真正正做到咩係Work-life balance,順手最後拎埋個奧斯卡添。大家捱足365日又得到啲咩?

【最新旅遊文章】【西貢行山】白沙澳經荔枝莊到深涌草原,雞麻峒睹地質公園美景!

【最新旅遊文章】【西貢行山】高流灣經狐狸叫至東龍二輋,賞蚺蛇尖雄奇景色!

如若喜歡本人文章想作定期支持,請即訂閱Patreon加強版,不定期精選深度獨家電影文章及尊享優惠,請即訂閱:https://bit.ly/2TS6BiE

✨電影網店現已開幕,多款電影海報、電影精品低至$5起,快啲嚟睇啦:https://bit.ly/3qLPkpk

 

感謝各位支持,小弟執筆之原創小說,私人貨存已全部售罄,有意者繼續可到此文章內的連結購買!

 

更多資訊及文章,請Like Fb Page:
【有故事的旅人】
【晞。觀影記事】
MeWe: travelerwithmovie

發表迴響