見工奇遇記(Part 14):HR唔識英文要我翻譯Portfolio咩玩法?

先前分享故事都係疫情初期,去到疫情最勁果期,見工機會唔多,就收到好多奇奇怪怪電話,一個疫情,可以買起你個人。今次分享三個短篇,三次都只係電話發生,伏到咁當然唔會見。

 

Case 1:
有個agent打嚟,話有份工好適合我,咁我無聊又同佢傾足一粒鐘當吹水,佢又真係吸引到我傾落去。佢話啲公司今時今日第一班會炒嘅,一定係寫字、剪片、做圖,第二班炒係Marketing,喺老細眼中,呢班係最不事生產嘅垃圾,係都留返個Sales。佢又講到自己都就嚟冇得撈咁,公司危危乎想執,我又聽佢講啦,當知道下行情。

講完一大輪終於到重點,佢介紹我果份工返長短周、喺粉嶺工業區,老細想請個Manager位,最高開10000。我當然睬佢都戇鳩鳩,agent都好坦白講,我係佢搵嘅第五十幾個人,冇人肯做,我都話:好坦白講同你咁好傾,我明白你苦況,你再接多幾個咁樣客,你公司真係執得…

 

Case 2:
同樣道理,今時今日唔會請得起一個淨做創作嘅人,有間公司打嚟叫我見工,唔止Social media & digital marketing,要做埋Sales、文員、貨倉點貨同HR,辛苦少少,當學吓嘢啦。我聽完都覺得伏,佢又好誠實咁講:「拿,我哋公司一星期返五日半、Annual一年有七日,不過坦白講你預唔會放得到。咁我哋可以累積嘅,到Last day果時補返錢囉,我哋個個同事都係咁。」

我心諗,五皮可以諗諗:「你哋俾到幾多?」

佢:「你expected salary俾唔起架喇,疫情呢個時勢,最高俾15000,Probation後俾到15500,學多啲嘢冇壞丫。」

我:「我諗唔需要喇咁。」

佢:「點解呢?係因為人工定工作量?」

我:「Why not both?」

某程度上,都要多謝佢咁誠實,唔好嘥我車錢去見。

文字工作者也得要吃飯,你的支持是我寫下去的原動力。請給點心意,給小弟走更遠的路,寫更多好文章,歡迎透過以下QR Code課金以作支持:
75486099_723429001505181_3402665167123644416_n
同時,你也可透過Payme link:https://payme.hsbc/jackyhei
或Paypal捐款:paypal.me/jackyhei

Case 3:
「我收到你個application,但介唔介意send埋你portfolio過嚟?」
「我attach咗喇喎。」
「丫唔好意思,我哋好忙,唔得閒睇。」
「咁…」
「睇吓先… 嘩咁多英文字嘅… 我哋英文麻麻地… 你介唔介意將你portfolio翻譯返做中文?我唔係好識睇英文(你JD話要寫英文喎)。」
「(我以為我聽錯,又或者HR唔識專有名詞好正常)你意思係叫我某啲term翻譯定點?」
「唔係呀,成份呀,我英文唔得」
「我portfolio得幾句英文,我唔介意翻譯,但入面啲sample都係中文嚟…」
「唔好意思,我哋唔係好得閒睇。」
「(心知有夠伏)咁不如你得閒睇完先搵返我?」

 

身邊唔少朋友呢個時間搵到工,都係伏到冇朋友,最憎就係聽到「共度時艱」、「疫情將就吓啦」,我明呢個時勢唔會人工高得去邊,都唔係跌幾倍之餘、工作量升幾倍掛?唔知依家出面個市正常返未?定係繼續永遠「共渡時艱」?

【延伸閱讀】見工奇遇記(Part 13):我唔係上嚟同你傾計架!

 

✨電影網店現已開幕,多款電影海報、電影精品低至$5起,快啲嚟睇啦:https://bit.ly/3qLPkpk

 

「晞。觀影記事」Patreon加強版已經開幕,精選深度獨家電影文章,請即按此訂閱!

 

感謝各位支持,小弟執筆之原創小說,私人貨存已全部售罄,有意者繼續可到此文章內的連結購買!

 

更多資訊及文章,請Like Fb Page:
【有故事的旅人】
【晞。觀影記事】
MeWe: travelerwithmovie

 

2 Comments

發表迴響