之前都分享過，今時今日見工，除咗做Written Test之外，另一個task就係「搵地址」，有一份仲差啲搞到我差啲要見工變「見血」。打俾你約見工果個人，好多時都唔會俾地址你；為咗證明你有心做，你要自己搵地址，而今時今日好多公司喺jobsdb個名，係同實際公司個名唔同。試過有一次，「搵地址」task成功喇，點知原來佢已經改咗名、搬咗去第度，但個網未update。
話說，有次我一日見兩份工，記得仲係熱到近三十五度咁，已經熱到燥咗，點知兩份都係要自己搵地址，理由都係離唔開「地址我就唔會講你知，如果你連搵都唔搵嘅話，我覺得你冇心做囉」，大家唔好覺得奇怪，唔敢講全部，依家我諗七八成工都係咁，我都習慣咗。
當我第一份工喺個工廠區搵來搵去、身水身汗先搵到間嘢，條友見面時仲要花生話：「係咪好難搵呢？好嘢喎俾你搵到。好多Applicant搵搵吓就放棄架喇。」
WTH。
第二份又係工廠區，一打開電梯門好陰森恐怖果種，走廊冇冷氣熱到癲，我又搵唔到間公司。
「你好呀，我約咗三點鐘見工架，唔好意思我搵唔到你哋公司… 係咪XX工業大廈八樓？」
「吓？八樓？你點會搵到去八樓？」
「你哋個網咁寫架喎。」
「你係睇我哋公司個網定係Facebook Page？」
（心諗有分別咩，咁你講唔講丫？）
「你地個網，咁XX工業大廈啱唔啱先？」
「大廈就啱，但樓層唔啱，咁證明你睇得唔認真囉，我哋唔係八樓囉，你再搵清楚先。」
（我屌你丫，你大我呀？）「你等等…」
「喂唔係喎，你哋個網真係寫住八樓。係乜乜乜公司、乜乜乜.com丫嗎？」
「係呀，冇錯呀，咁你睇到咩丫？」
「我睇到咩？我咪睇到八樓囉。」
「冇可能，你自己去錯唔好抵賴。」
（嬲咗，搵唔耐我又唔想做咁走）「拿小姐，我就冇賴，你唔信，麻煩你自己開嚟睇吓。」
（好唔耐煩咁打網址，口中咿咿哦哦）「… 丫… 係，我哋係寫錯咗… 丫… 咁咪係囉，我哋請你做Content writer就係想搞返好我哋個網，Good job丫你睇到喇… 其實我哋係七樓呀，應該上一手寫錯咗，丫… 哈… 哈… 你呢… 旁邊樓梯推門落一層就得架喇。」
文字工作者也得要吃飯，你的支持是我寫下去的原動力。請給點心意，給小弟走更遠的路，寫更多好文章，歡迎透過以下QR Code課金以作支持：
同時，你也可透過Payme link：https://payme.hsbc/jackyhei
或Paypal捐款：paypal.me/jackyhei
「如果貴公司連個網地址錯咗都唔知，又唔肯同個Applicant講地址嘅話，我冇興趣見喇，都希望你哋唔好玩下一個Applicant唔該。」
（態度180度轉變）「… 咁又唔係玩，既然你都嚟咗… 咪嚟見一見囉，哈哈」
「阿小姐，我唔覺得有咩好笑，你試吓天時暑熱喺工廠大廈咁玩法，咩感覺？同埋唔該注意吓你態度！」
「唔緊要啦，咁既然你都搵到，咪落嚟見埋囉，我哋…」
我唔想知佢「我哋」後講咩，憤然Cut線，好在兩份工只係隔條馬路、放埋同一日見。
我唔明「叫人見工但唔俾地址人，就係為咗睇你對呢份工有冇心」呢招邊條屎忽鬼諗出嚟，玩完人都算，仲有錯唔肯認，呢啲工，都唔方正常。之前試過好在變Zoom，唔係堅嘥我時間。
【延伸閱讀】見工奇遇記（Part 14）：HR唔識英文要我翻譯Portfolio咩玩法？
✨電影網店現已開幕，多款電影海報、電影精品低至$5起，快啲嚟睇啦：https://bit.ly/3qLPkpk✨
「晞。觀影記事」Patreon加強版已經開幕，精選深度獨家電影文章，請即按此訂閱！
感謝各位支持，小弟執筆之原創小說，私人貨存已全部售罄，有意者繼續可到此文章內的連結購買！
更多資訊及文章，請Like Fb Page：
【有故事的旅人】
【晞。觀影記事】
MeWe: travelerwithmovie
樓主d見工經歷，可謂礦古爍金。。。小弟實在 欽敬。。。哈。。。