今時今日,請幾日假好似做錯事咁?

 

話說同朋友講起去旅行,我自己計劃緊十一二月希望去到個短,明年再去個長嘅。我問佢有冇諗過想去邊,佢一臉無奈咁講,想去邊都冇用、有錢去都冇用,請假咁易咩?就算俾你請到,又係咪咁好受?

 

朋友都係同行做social media,做得呢行如果去到病態機構,自會明白你根本唔會有假期。點解咁講?事關成條team得你一個,一日要出三個post,以往星期五都要出埋weekend,仲講放一星期假去旅行?俾你放得到,放完假返嚟追返幾多嘢?

 

自己試過,絕對明白。

 

以前做過一間行內出名個朵臭曬嘅wedding公司,試過一次請兩星期假去朋友海外婚禮,仲要係本身見工前已講明no-paid咁請,點知佢竟然俾返錢我,都要同我佢出post,如是者,我放假之前就要出定42個post(14 X 3),如果你做網媒果啲一日要出10個post,你試吓放兩星期假可以點追?係追唔到嘅,只能講句,炒我丫笨。

 

之所以,點解我成日話呢行好病態,做乜都好唔好做「小編」,就係咁解。

 

冇計啦,精簡架構,文字同設計從來都唔值錢,一個人搞得掂啦,份份工都冇拍檔係one-man band,咪搞到咁囉。

 

朋友再講,都已經唔止係出Post問題,重點係請假問題。明明一年有14日假,你理得我點用丫?請呢日又唔得、請果日又話有會要開、請下個月又話未知有冇Project,不如分幾個星期五請一日咪算,然後仲要睇你老細面色串柒柒,話你好意思一嘢請兩星期假?

 

咁點調配人手問題,就係你去諗喇。

 

諗返呢個咁智障嘅「行規」唔知幾時出現,以前香港地真係唔係咁。初初出嚟做嘢果時,大家都係傾返嚟姐,你請完假同事幫你頂、下次咪你頂返囉,做到嘢理得你請4日定14日?但,依家唔係,你去遞張假紙,好似預咗要俾人照肺咁,咩事?最智障嘅係,請病假(講緊你係真病),都要驚人誤會你係咪詐病,病到落唔到床,都要俾人疲勞轟炸你電話點你做嘢;多得一個WFH就預你長時間係做嘢,喂你發燒姐,覆個email打兩粒字唔係唔得呀?

文字工作者也得要吃飯,你的支持是我寫下去的原動力。請給點心意,給小弟走更遠的路,寫更多好文章,歡迎透過以下QR Code課金以作支持:
75486099_723429001505181_3402665167123644416_n
同時,你也可透過Payme link:https://payme.hsbc/jackyhei
或Paypal捐款:paypal.me/jackyhei

愈嚟愈覺得,癡撚線。人大咗,開始要識調節。

 

諗返以前去旅行遇到啲歐洲人,AL分分鐘有三四個月,佢哋可以一次過去三個月旅行,一年一度,有假都真係放得到。最頂癮之前都分享過,遇過有個芬蘭女仔話自己得十星期AL太少,覺得唔公平所以辭職,我同佢講,香港地有十日都偷笑,佢難以置信覺得我誇張,我都唔知好嬲定好笑。更唔好講,如果香港地真係有公司俾到三個月AL你,有冇可能一次過請?發吓夢好喇。

 

有時唔係夾硬話香港好、香港正常,佢就真係好、真係正常,都已經唔講政治環境,本身去過外國自會知道,呢個地方唔正常咗好耐,只不過依家突顯到佢更唔正常,大家先醒覺。唔知呢啲請假要被屌風氣、放假前要做定放假嘢(其實咁就唔係有假)嘅習慣幾時開始,但絕對唔健康。

 

最後,朋友話,佢OT冇補假冇補水都已經唔出聲,自己應有福利都要人拆開逐日請,感覺捱得到,如果最終連假都唔俾請嘅話,辭職囉。

 

咁就啱喇,態度正確。

【延伸閱讀】到底香港發生乜事:無才便是德?

【延伸閱讀】永不加人工保證?

✨電影網店現已開幕,多款電影海報、電影精品低至$5起,快啲嚟睇啦:https://bit.ly/3qLPkpk

 

「晞。觀影記事」Patreon加強版已經開幕,精選深度獨家電影文章,請即按此訂閱!

 

感謝各位支持,小弟執筆之原創小說,私人貨存已全部售罄,有意者繼續可到此文章內的連結購買!

 

更多資訊及文章,請Like Fb Page:
【有故事的旅人】
【晞。觀影記事】
MeWe: travelerwithmovie

發表迴響