上星期分享過嘅窩心篇，幾位讀者表示好有共鳴，紛紛Inbox同我圍爐相關經歷，我諗大家無論見過五百定係六百份工都唔重要、今時今日有咩經歷都唔重要，最重要係果幾百次見工經驗入面，有咩成長、學到啲咩，先係最重要嘅事。
本來想走返去講笑騎呢見工，見大家有興趣，再嚟多篇窩心嘅。
話說有份工打嚟叫我Interview，都係問幾句再約時間、循例問問expectation同點解唔做之類，一日答幾次，我答到倒背如流。點解咁Jumpy？老老實實，好想做我會修飾得靚啲、做唔做都得果種，我會講真話。即係，公司執笠、俾ICAC上門拉你老細、公司單方面違約、老細「我要攬炒」全部一齊上勞工處等等，當講故事咁，你信就信唔信就算。
點知打嚟果個收線send完地址俾我後（終於有公司肯俾地址我，加分），竟然同我Whatsapp吹水，無啦啦俾個「I know that feel bro」meme我，笑咗，咩事。
原來，佢曾經都同我一樣，連做四間公司不出半年都執笠，連執四間公司後，佢就搵唔到工，間間都話佢Jumpy，亦唔信佢間間公司執笠，灰機到絕望，都唔再相信有公司係正常。
心態同我當時一樣，事但啦，咩都做，唔係可以點，邊有得你揀？見工唔信舊公司全部執笠？你有reference check架，咪自己打去查囉！丫屌，因為公司已執、老細俾人拉咗，查唔到就覺得你吹水。喂唔好吹大啲？
現實就係咁荒謬，冇經歷過嘅人會覺得你作故仔、經歷過自會知職場乜嘢光怪陸離都存在。
你知我知，一去到呢個地步，望已絕，乜工都做，好快就會變成下一份「Jumpy工」。終於，幾絕望都好，俾佢搵到下一份雖然都唔係正常，係最少唔係「好唔正常」（佢話唔知明唔明佢講乜，我點會唔明），一做就做咗三年，先成功「洗底」。
佢坦白講，好鍾意我Portfolio都好appreciate我CV，只不過有心理準備佢老細一定會覺得我Jumpy，同埋「非正職經驗唔係經驗」，可能會白見或白行一趟。我心諗，其實我見工都見到化曬，一日見四份工，唔通我知自己見緊乜工咩，白行？慣咗啦。
文字工作者也得要吃飯，你的支持是我寫下去的原動力。請給點心意，給小弟走更遠的路，寫更多好文章，歡迎透過以下QR Code課金以作支持：
同時，你也可透過Payme link：https://payme.hsbc/jackyhei
或Paypal捐款：paypal.me/jackyhei
最後佢同我講「被Jumpy」絕對唔係你錯，都深明你有幾無奈，更深明知道自己積蓄捱唔到三個月嘅恐懼，但唔好懷疑你嘅人生，都唔好覺得係你自己問題，終有一日會搵到份俾你「洗底」嘅工。佢見我經歷同佢太相似，好似見到昔日嘅自己，同我吹多兩句。
雖然最後份工見唔成，都堅係伏，呢個HR最終都有關心我後來搵工搵成點。兩個月後，佢都辭職，跳咗去第間公司做，都有再搵我去見工，因為我已經搵到工冇應承佢，但點都好，一個唔會當你係地底泥嘅HR、一個仲會尊重人嘅HR，今時今日好難得，要有禮貌嘅，仲難得。
見100份工有90個都係冇禮貌、冷眼看待、睇唔起你，但其實當中遇到有10個係好人，已經係人間溫暖。
【延伸閱讀】見工奇遇記（Part 20｜窩心篇）：搵唔到工嘅同路人，一切在心中
✨電影網店現已開幕，多款電影海報、電影精品低至$5起，快啲嚟睇啦：https://bit.ly/3qLPkpk✨
「晞。觀影記事」Patreon加強版已經開幕，精選深度獨家電影文章，請即按此訂閱！
感謝各位支持，小弟執筆之原創小說，私人貨存已全部售罄，有意者繼續可到此文章內的連結購買！
更多資訊及文章，請Like Fb Page：
【有故事的旅人】
【晞。觀影記事】
MeWe: travelerwithmovie
