由於小弟買咗飛去Universal Studios Halloween Horror Nights，今年《American Horror Story》鬼屋以第六季，即舊年最新果季《My Ronake Nightmare》做藍本，所以小弟決定跳Season，都跳埋大家話好爛嘅果兩季，直接去到第六季啦！舊年我就係因為玩完個鬼屋好鍾意，先至決定睇呢套劇，今年為咗間鬼屋，調轉頭睇咗劇先！
對比返之前季度，呢一季開頭係有驚喜嘅，尤其是我完全唔知佢任何故事下嚟睇，的確好有追看性。今次唔係傳統咁樣講一個恐怖故事（其實呢個系列都已經唔係好傳統），反而用「偽紀錄片」形式去講一個詭異故事，頭幾集集集有驚喜、集集有爆點，再加埋Kathy Bates完全著魔嘅演出，次次出親場都癲上腦，睇到心都寒埋，堅正嘅。
去到中段，你以為自己睇緊嘅嘢原來唔係自己睇緊嘅嘢，一個大扭轉扭到變咗另一樣嘢，亦真亦假，再用返個偽紀錄片手法去拍，到底間屋同個森林發生咗咩事，而呢班智障搞咁多嘢走返轉頭，又會有咩下場（其實有少少似《奪命狂呼》諷刺返恐怖片套路係幾得意嘅），緊張到我一晚追咗大半個Season。
丫頂，點知最後竟然變成一個死唔斷氣嘅故事，不斷扭上扭上扭，再刻意加埋前幾個Season角色入去，第八第九集真係拖拉無極限，將一個故事不斷延長，似乎只為撐夠十集，明知有危險偏向險中行，好多嘢都解釋唔到，睇到有少少燥。去到終極大結局扭完一次再扭一次，企圖再一次諷刺埋電視節目嘅製作手法，以為有個咩爆點，點知僅此而已，最驚喜係某角色連貫埋Season 2，不過最後都係兜唔到，好平淡咁完場，有一刻我諗起Season 1。
玩偽紀錄片我覺得開頭果一半真心超精彩，去到後半段扭一扭變成另一樣嘢都好過癮，之但係去到最後為搞而搞，就有少少失望，同埋成件事學《死亡習作》真係學得幾明顯，就係覺得虎頭蛇尾。
文字工作者也得要吃飯，你的支持是我寫下去的原動力。請給點心意，給小弟走更遠的路，寫更多好文章，歡迎透過payme以下連結或QR Code課金以作支持：payme.hsbc/jackyhei
同時，你也可透過Paypal捐款：paypal.me/jackyhei
話說回頭，咁呢壇嘢變成鬼屋，我相信又幾好玩嘅。可以想像到有豬頭人會出嚟搞你，但我更期待會見到台灣白面家庭，好好笑。
有讀者朋友話睇完頭三個Season可以停，唔通真係？上星期開播嘅Season 7玩到特朗普時代嘅政治背景，評價好似一般，不過睇開都睇埋佢啦。
‼最後機會‼
小弟執筆之原創小說已賣剩最後一批，售完即止，請即訂購：http://bit.ly/2PKXYFA
台灣書局兼網上平台亦已上架，可去文中連結購買：goo.gl/xzCymP
更多資訊及文章，請Like Fb Page：
【有故事的旅人】
【晞。觀影記事】
IG請Follow：
#travelerwithmovie
