繼周街係德國人同英國人後，呢排突然發現好多瑞士人。等沖涼時又遇到一個，r水吹下原來佢好型咁唔鋸公司AL太少，唔撈咪唔撈囉屌你（真實對白）。
我心諗你班歐洲佬有幾少假呀，佢話得六個星期，但佢想要七個星期，因為佢之前嘅工都係七個星期。
然後佢話，佢知香港同美國一樣，都係睇錢份上，咩都講錢應該唔會有咁多，係咪得三四星期。我話，一般係十日到。
佢又係呢句：Is that even fucking legal?
每一次話我得十日假，個個都問係咪fucking legal，喺人哋眼中我哋老細做緊犯法嘢，但我哋政府係合法俾人咁做。我話，you have seven weeks Annual Leave, but our basic is seven days, it is definitely fucking legal.
原來，瑞士法例規定年假最少要有五星期，一星期一般返40個鐘。佢尖叫：I cant believe it! What is the purpose for you guys to work 355 days a year? I know you guys have to work in Sunday right?
我都唔知點答佢。
上星期有個德國同房已經流浪咗三年，佢好憎自己國家，好想搵下自己想要嘅生活，但嚟完南美後覺得自己國家都唔係咁差，再加上識到我哋呢類人之後，覺得自己國家福利同人工其實好好，佢都開始反思返自己國家。
倒轉頭睇，我去咁多地方識到咁多人，聽到咁多唔同地方生活態度，只愈嚟愈憎香港。點解人哋個社會可以咁而我哋個政府咁仆街、點解人哋識咁諗而我哋普遍人只會覺得生命只有一途而唔去改變，甚至連要改變嘅意識都冇。
接觸得多呢啲對話我都開始迷失，講起呢個話題都冇癮。都唔好講人工問題，人哋收銀都多過你做到隻狗咁，一講人工，又係繼假期後另一個人哋會問Is that even fucking legal嘅問題。
好多歐洲人都嚟過香港，覺得香港物價仲貴過歐洲，以為我哋好撚有米，但原來只係佢哋做收銀嘅人工，都會驚訝我哋點生活得到。
……係囉，你問我，我問邊個？
【延伸閱讀】我好羨慕你哋唔係「去旅行」，係「去生活」
【延伸閱讀】我們要的是「時間」
小弟用五年時間籌備的小說反應熱烈，首兩批貨已火速售罄，最後數箱歡迎直接下單：goo.gl/J9QdBR
台灣書局兼網上平台亦已上架，可去文中連結購買：goo.gl/xzCymP
更多資訊及文章，請Like Fb Page：
【有故事的旅人】
【晞。觀影記事】
