《幻象》（Mirage）：久違了的蝴蝶效應題材

《死無對證》－－即《看不見的客人》（大陸）／《佈局》（台灣）導演Oriol Paulo新作，一心期待香港會上，點知大陸上咗香港都未上。原本打算上深圳睇（大陸叫《海市蜃樓》），竟然見到Netflix有。

導演一貫的套路，都係講一宗殺人懸案，只不過配個時空扭轉、蝴蝶效應背景，加重咗科幻元素，但懸疑骨幹都係冇變。故事講個女人意外同三十年前嘅細路溝通，成功救咗佢一命，點知因為救咗佢一命，導致蝴蝶效應，自己嘅人生都從此改變。為咗搵返自己嘅人生，佢要喺有限時間再次改變過去，但同時個男仔當年見到嘅兇案真相，都因為蝴蝶效應而浮面。

真心睇過《死無對證》，其中一個twist位唔難估到，但成件事可以點樣扭上扭再扭，又的確估佢唔到。當近年時空交錯，係玩爛咗大片「Fix返條Timeline」最好方法時，呢類認真玩嘅題材，好似當年《隔世救未來》、《連鎖蝶變》之類電影又較少見。對比《死無對證》咁精密故事去到最後一分鐘先Blow your head off，講真呢套睇完都有漏洞，但喺個時空扭轉框架下，劇本都寫得相當精彩，當然導演功力都令到套戲節奏超緊張。

文字工作者也得要吃飯，你的支持是我寫下去的原動力。請給點心意，給小弟走更遠的路，寫更多好文章，歡迎透過payme以下連結或QR Code課金以作支持：payme.hsbc/jackyhei

同時，你也可透過Paypal捐款：paypal.me/jackyhei

我幾鍾意套戲玩盡咗「蝴蝶效應」呢樣嘢。唔駛好似《連鎖蝶變》咁悲咁複雜，因為一句說話、一個好微小決定，估唔到會牽連咁大，因為個男仔死唔去，改變曬一切，如是者，假如當年你冇遇上佢，就唔會遇到佢，亦都唔會有咗佢，到最後你人生條路會變成點樣，會唔會又有更多個佢？好喇，當你自以為扭轉咗自己人生、自己係最慘時，又有冇諗過都因為呢個決定，同時扭轉曬身邊所有人嘅人生？最出人意表唔係案情真相，反而係結局扭到變咗另一樣嘢出嚟，竟然有少少感動。

女主角原來係《胡莉糊濤》果個，秒速老化。

‼最後機會‼

小弟執筆之原創小說已賣剩最後一批，售完即止，請即訂購：http://bit.ly/2PKXYFA

 

台灣書局兼網上平台亦已上架，可去文中連結購買：goo.gl/xzCymP

 

更多資訊及文章，請Like Fb Page：
【有故事的旅人】
【晞。觀影記事】

 

IG請Follow：
#travelerwithmovie