久仰大名舊年印度最好評電影，大陸上畫單日票房甚至勁過《沙贊！神力集結》，果然名不虛傳。
故事改篇自一套法國短片（搵日睇返先），講個扮盲嘅人意外睇到一宗殺人案，為保住命仔要一路扮盲落去，點知扮扮下開始分唔清咩係真咩係假－－係，觀眾都唔知咩係真咩係假。
坐喺電視（我Netflix睇）、坐喺戲院（大陸上正場）嘅觀眾全部都冇盲，但你自以為睇得清真相，最後一分鐘應該會重新改寫你所想！
的確，套戲係有典型印度片嘅「長」－－132分鐘有少少多餘，但睇住佢由愛情片，變成驚慄片，再變成懸疑片，最後差少少變成笑片，唔止局中有局再有局，仲有敵人嘅敵人就係朋友，咁如果敵人嘅敵人嘅敵人關係又點拆好？
中後段開始覺得簡單複雜化，甚至有少少爛尾嘅準備，點知原來佢就係要俾你咁樣諗，最後十分鐘又嚟一個扭轉。最後一個鏡頭話你知，你不如成套戲重新睇一次啦。
文字工作者也得要吃飯，你的支持是我寫下去的原動力。請給點心意，給小弟走更遠的路，寫更多好文章，歡迎透過payme以下連結或QR Code課金以作支持：payme.hsbc/jackyhei
同時，你也可透過Paypal捐款：paypal.me/jackyhei
好欣賞故事唔止玩懸疑玩扭橋，仲將善惡對立寫得好爆，成套戲冇個角色非黑即白，點都有一定嘅壞心腸，以印度片嚟講都幾難得一見。到底呢班全部都係仆街，定係有好有壞，結局真係睇你點諗。如果係戲院睇，呢個開放式結局足以令你有翻睇衝動；如果你同我一樣喺Netflix睇，應該會backward返少少loop返發生咩事。
歌仔都有得唱：「誰可以笑著到最後？」善惡到頭終有報，無限輪迴到底係抵死定係荒謬，奸到最後又係咪贏家？收筆絕對係高手。
相信都唔會有人咁有神心返大陸睇（大陸叫《調音師》），Netflix叫《看不見的旋律》，但你搵到個片名Design係寫《盲舂舂風暴》，原名係《Andhadhun》。
‼最後機會‼
小弟執筆之原創小說已賣剩最後一批，售完即止，請即訂購：http://bit.ly/2PKXYFA
台灣書局兼網上平台亦已上架，可去文中連結購買：goo.gl/xzCymP
更多資訊及文章，請Like Fb Page：
【有故事的旅人】
【晞。觀影記事】
IG請Follow：
#travelerwithmovie
