或者小弟睇得太多恐怖片，Netflix成日彈呢套出嚟推薦我，初時以為係廉價恐怖片，點知雖然真係幾「廉價製作」，質素絕對有返咁上下，加埋一開場見到Blumhouse有份，信心大增。
故事講個色情直播女主持人為增排名，不斷做種種出位行徑搏注意，私下都引咗幾個窮追猛打嘅咸濕觀眾。有一日佢發現自己個帳戶唔止俾人盜用，仲有個同佢同名同樣嘅人，做緊佢苦苦經營嘅生意。女主角要拎返真正身份開始追查，點知發現要拎返身份，竟然要做更癲嘅事。
老老實實，「真相」個人覺得唔係幾兜得到，只可以話成件事好《Black Mirror》，咁樣完法有少少爛尾（都俾個藉口佢拍續集，如果可以），但成個過程拍得幾曲折離奇，而且節奏超明快。我都唔知點樣定義呢套戲，到底係軟性色情片、恐怖片、科幻片、懸疑片、驚慄片、血腥片，甚至係Cult片，睇落包羅萬有，又每一樣嘢都平衡到。雖然，我用恐怖懸疑片心態睇有少少失望，但勝在拍得好Creepy，睇時同女主角一齊追查真相，真相愈查愈Creepy，間中又俾少少「甜頭」你睇，即使冇咩大灑狗血恐怖場面，娛樂性都幾豐富。
最驚喜係佢用個「色情直播女主持人」嚟做主角。話佢似《Black Mirror》係因為牽涉到關於身份盜用、科技、互聯網等議題，但用色情去包裝都幾少有。用呢個方法出發，令女主角間中有得露下（喺度都要讚女主角 Madeline Brewer肯露又肯做癡線嘢），又間中有咸濕嘢睇，我更鍾意佢講呢一行背後不為人知嘅一面。
文字工作者也得要吃飯，你的支持是我寫下去的原動力。請給點心意，給小弟走更遠的路，寫更多好文章，歡迎透過payme以下連結或QR Code課金以作支持：payme.hsbc/jackyhei
同時，你也可透過Paypal捐款：paypal.me/jackyhei
有人肯搏肯露唔代表有人Follow，反而唔知做乜咬手指竟然多人睇。觀眾愈癡線愈鍾意睇，可以對應返《殺人慾室》（或者小弟本人同對呢套戲有興趣朋友）、喺網上俾陌生人滋擾，《Unfriended》直頭大玩特玩，但色情網站呢班「囡囡」外表風光，背後要承受好大壓力、家人嘅目光，同埋種種未知敵人、對手、「癡漢」嘅攻擊同滋擾，喺短短個半鐘入面寫得好立體。套戲都諷刺到睇「真人Show」觀眾嘅無情，一切冇咩關係，極其量只有金錢關係，女主角結局咁「敬業」竟然有少少感動。呢一切，都算係主線之外好睇嘅一環。
唔好理佢解唔解得通，意念同拍法絕對唔差。爛蕃茄捧到有94分，仲聲稱係Netflix最佳電影之一，有少少誇張，但個創意同故事Angle，都值得一睇。
Netflix叫《禁入直播》（Cam），顯示名係《網路紅人》。
‼最後機會‼
小弟執筆之原創小說已賣剩最後一批，售完即止，請即訂購：http://bit.ly/2PKXYFA
台灣書局兼網上平台亦已上架，可去文中連結購買：goo.gl/xzCymP
更多資訊及文章，請Like Fb Page：
【有故事的旅人】
【晞。觀影記事】
IG請Follow：
#travelerwithmovie
