《Black Mirror》入面咁多集，小弟都分享過好多集鍾意嘅，雖然呢集未算最好睇，而且都已經係Season 3，但近日諗返會覺得幾有意思。
警告：下文冇大劇透但有少量劇透，唔劇透我講唔到我想講嘅嘢
故事講述一位軍人初去前線「殺蟑螂」，第一日上陣唔知咩事好驚，佢都feel到隊友好驚，總之咪理「蟑螂」係咩，見到就殺啦。終於，佢上到戰場，俾佢搵到有「蟑螂」，第一次殺咗「蟑螂」，即刻俾隊友大讚佢做得好、殺得好，而佢都覺得自己係做緊一件啱嘅事，即使佢根本唔知咩係「蟑螂」。
點知，有一日佢俾「蟑螂」用強光攻擊（嘩頂，呢招好暴力，一定要強烈譴責），令到佢同隊友所用嘅「MASS視點系統」出錯，先發現自己只不過都係一隻棋子、喺大家耳濡目染下嘅一件工具，「蟑螂」竟然係…
最爆嘅位我唔劇透啦，不過你睇完一定會好有深刻印象，「果一下」震撼得心都痛埋（唔知班周街打市民暴徒會唔會有感覺），個結局都一承《Black Mirror》節奏，係極沉重兼極悲嘅。
近排係會諗返呢一集，當你見到果班周街追打無辜市民嘅暴徒、刻意挑釁平民百姓嘅暴徒、自稱所謂警察嘅暴徒，點解會好似同大家活喺一個相反嘅平行時空，會有一堆騎呢假新聞、假相group喺度助攻，而呢班暴徒又真係信到十足十？
真心，相信你身邊如果有呢啲暴徒、自稱係警務人員嘅暴徒，你應該唔開佢波都一早Unfriend咗佢，如是者，呢班暴徒身邊嘅「人」，或多或少都係同一班暴徒，不斷散播假新聞、偏激言論、自high上腦，再加上呢班暴徒本身就冇乜獨立思考，人云亦云，就好似故事入面呢位新兵咁，一張白紙，初次殺咗一隻「蟑螂」俾隊友讚讚就好充實，而其實，佢同隊友都冇認真去諗過，到底「蟑螂」係乜，上頭叫你殺就殺、叫你打就打啦！
結果，男主角俾呢種「非常暴力嘅武器」－－閃光（故事入面真係有用），閃一閃後終於發現咗極醜惡真相，先知道自己都係俾人利用、做緊嘅嘢唔係啱，「收order做嘢」只不過係令佢「被去除人性」下殺得更爽快，自己覺得好勇，真相原來佢都係一隻棋。
可能唔係喺平行時空，而係呢班暴徒晨早已經植入咗MASS，喺佢哋眼中見到嘅嘢都同我哋根本唔一樣，再加埋佢哋身邊班暴徒嘅助攻，變咗佢哋可以埋沒良知做出種種行為。
唔好覺得誇張，《Black Mirror》入面嘅情節，好多危言聳聽嘅「預言」已經成真，呢一件事分分鐘隨時成真咗而大家都唔知。好明顯，市民同呢班暴徒，就係在位當權者嘅工具，由你哋打餐打死，互相譴責、互相追究、互相澄清、互相呼籲、互相割蓆，自己就坐享其成。
文字工作者也得要吃飯，你的支持是我寫下去的原動力。請給點心意，給小弟走更遠的路，寫更多好文章，歡迎透過payme以下連結或QR Code課金以作支持：payme.hsbc/jackyhei
同時，你也可透過Paypal捐款：paypal.me/jackyhei
或者，要呢班暴徒可以明白自己做緊咩，我哋就真係需要果一下「閃光」－－但佢哋著到成個《特警判官》定《鐵甲威龍》咁，呢下「閃光」要閃到佢，有難度。
‼最後機會‼
小弟執筆之原創小說已賣剩最後一批，售完即止，請即訂購：http://bit.ly/2PKXYFA
台灣書局兼網上平台亦已上架，可去文中連結購買：goo.gl/xzCymP
更多資訊及文章，請Like Fb Page：
【有故事的旅人】
【晞。觀影記事】
IG請Follow：
#travelerwithmovie
