近年玩Time Travel「Fix返條Timeline」嘅戲好多，去到《復仇者聯盟4：終局之戰》更自創全新「Fix返條Timeline」玩法，但講到複雜，呢套《Dark》都算係世界級。
四個家庭、N個時空（唔講有幾多個啦，睇睇吓真係Blow my head off，咁搞法可以玩到石器時代），再加埋看似唔關事嘅人，最終原來都有關係，n線劇情連環緊扣，絕無誇張，第一季為咗要睇得流暢，啲人物關係我睇到要take notes。睇到第二季先分得清邊個打邊個。
幾鍾意套劇將「宿命論」推向極致，人嘅一生都係一個既定嘅劇本，你要依住上帝（造物主）嘅劇本去行，即使你回到過去企圖改變呢個劇本，你「決定回到過去」嘅呢個決定，都係劇本嘅一部份，你自以為改變咗過去，其實都係同未來連貫，都係「劇本」嘅一部份，正宗係「We connect」。
將時空交錯故事玩到好宗教好哲學嘅角度，睇睇吓又幾有新鮮感。唔駛跟一般嘅「玩法」，唔可以兩個「我」同時喺一個時空，今日嘅「我」可以同未來嘅「我」溝通，而未來嘅「我」就係要確保今日嘅「我」要做到某一樣嘢，先唔會影響到未來。更誇張嘅係，今日嘅「我」會遇到過去嘅阿爸阿媽，眼前呢個細路，竟然係自己上一代，繼而牽涉到亂理同道德問題。睇睇吓甚至覺得呢班人好淫亂，喺度就唔劇透啦，又或者講，以呢套劇複雜程度，都幾難三言兩語劇透俾你聽。
講到底，到底係有雞先定有蛋先嘅問題：到底呢個世界時序係過去嘅「我」促成，定係未來嘅「我」教過去嘅「我」而做？呢個「我」到底係邊個時空先彈出嚟？一直都好信命，都好鍾意睇呢類宿命論嘅題材，但呢套悲到一個極點係「宿命」至此，一時之間都難以招架－－當你知道親人幾時死，甚至自己幾時死，更甚是親歷過自己最愛嘅人死，當你有機會回到過去，想挽回一切時，竟然發現有好多外在因素係改變唔到呢個事實，到頭來原來唔可以「Fix返條Timeline」，Time Travel都係「宿命」。
文字工作者也得要吃飯，你的支持是我寫下去的原動力。請給點心意，給小弟走更遠的路，寫更多好文章，歡迎透過payme以下連結或QR Code課金以作支持：payme.hsbc/jackyhei
同時，你也可透過Paypal捐款：paypal.me/jackyhei
到底成件事係喜係悲，希望第三集可以揭曉到。從未試過，睇一集劇好似細個上幾堂Maths（小弟係文科生）咁累，難得一見。
坦白講，我睇完第一季淨係覺得好好睇，但唔知到底自己睇咗乜，第二季係覺得更好睇、節奏更明快更多爆點，自以為知道佢想做乜，點知最後一集最後一個鏡頭又拉出更多疑問，好似咩都冇睇過咁。據聞呢套嘢只會拍三季，到底有冇可能喺一季內解釋咁多謎團？複雜到咁嘅程度，解唔到必爛、解得到應該超越「神劇」地步。
‼最後機會‼
小弟執筆之原創小說已賣剩最後一批，售完即止，請即訂購：http://bit.ly/2PKXYFA
台灣書局兼網上平台亦已上架，可去文中連結購買：goo.gl/xzCymP
更多資訊及文章，請Like Fb Page：
【有故事的旅人】
【晞。觀影記事】
IG請Follow：
#travelerwithmovie
