FYRE國王的豪華音樂節:Fact Check的重要性

一單超花生嘅另類都市傳說,吹到係世紀最盛大嘅小島音樂會Party,成功呃到成班年青人同KOL去個荒島。點知原來成件事係流料,唔止冇音樂會,直頭連住同食嘅地方都冇,俾人呃咗錢都算,大家走唔到之餘仲差啲演變成一場災難,成套紀錄片就係講背後發生咗咩事。

原來有單嘢吹到咁大,小弟自問都係個Social media人,完全冇留意過有呢件事,但套紀錄片用幾花生、踢爆嘅Angle,初而大開眼界,睇睇吓仲幾緊張。除咗花生到底可以點收科外,更緊張係呢班俾咗錢參加者,點樣喺個煉獄中走得到。

總係有一類紀錄片你唔知佢點拍出嚟,一如早排《赤手登峰,一如呢套,咁內幕式踢爆成件事來龍去脈,完全帶你入咗果班策劃人嘅瘋狂世界。講真,成套片都淨係用訪問同真實片段拼湊,但剪接上緊張得嚟又搞笑(堅笑出聲果隻),對於一個完全唔知件事嘅人嚟講,係相當有娛樂性,而後半段更幾有追看性,一啲都唔悶。

文字工作者也得要吃飯,你的支持是我寫下去的原動力。請給點心意,給小弟走更遠的路,寫更多好文章,歡迎透過payme以下連結或QR Code課金以作支持:payme.hsbc/jackyhei
75486099_723429001505181_3402665167123644416_n
同時,你也可透過Paypal捐款:paypal.me/jackyhei

成件事都幾諷刺,係呢個即食世代、不經思索嘅年代,大家好多時都唔會去諗一件事嘅真偽,到底背後嘅嘢係真係假,亦係近期大家成日講嘅Fact check。搵班Model、KOL亂講幾句,就信到十足十(甚至連班KOL都騙上騙),冇做足資料搜集,連個地點都唔知堅定流就俾錢。或者,小弟係個窮L,如果有單咁嘅嘢,但係資訊咁唔清晰下要我俾咁大舊錢去參加,幾吸引都要諗諗先。睇到有人竟然玩到傾家蕩產都要去,好難想像。

好悲哀咁諗,今時今日要成功,都係要有小聰明,唔止要知道你嘅target audience要乜,仲要識吹水、將小事化大,只要有noise你就係王者。喺度唔劇透「真相」,但最後主辦人嘅「真相」原來同佢吹嘅數據差咁遠,而又有人會信,就或者佢行出嚟個勢夠勁、夠識擦鞋、夠識包裝,唔理佢本身係一件咩都唔識嘅垃圾,都會有人信。你可以話呢場係一場大騙局,但聽班受訪者對呢位人兄講法,有感如果時光倒流,大家都會再信佢一次,今時今日,「包裝」重要過內涵。

作為一個局外人睇呢套嘢,係極度花生兼且幾好笑,但睇到最後講呢位人兄點樣呃人、Social media點樣扭曲人心唔去思考,成件事都幾有警世意味,值得一看。

最後機會

小弟執筆之原創小說已賣剩最後一批,售完即止,請即訂購:http://bit.ly/2PKXYFA

 

台灣書局兼網上平台亦已上架,可去文中連結購買:goo.gl/xzCymP

 

更多資訊及文章,請Like Fb Page:
【有故事的旅人】
【晞。觀影記事】

 

IG請Follow:
#travelerwithmovie

廣告

發表迴響