首先，利申我唔係Martin Scorsese超級Fans，係好鍾意《華爾街狼人》、《雨果的巴黎奇幻冒險》，同時都唔鍾意《沉默》、《不赦島》、《娛樂大亨》等作品，都覺得佢近期作品冇早期《盜亦有道》一類咁正。
《愛爾蘭人》事先張揚推到入硬奧斯卡大熱，Netflix上架冇一星期，各大傳媒紛紛推到Martin Scorsese最佳作品、最佳電影攞硬、年度五大，甚至有見過話係電影史上最佳作品，有冇誇張成咁。
《愛爾蘭人》長達接近三個半鐘，野心十足，都的確係戲味濃郁，冇《華爾街狼人》或《無間道風雲》一類作品節奏咁明快，你可以話佢冇任何高潮起伏，平平淡淡三個半鐘、作為一類黑幫電影／犯罪電影，冇動作場面連血都唔見多滴，但你又唔會覺得佢悶，最少唔會好似《沉默》咁難頂。
故事將一個nobody由低做起，一路爬到上高點，又點樣「人在江湖，身不由己」，夾喺中間左右做人難，仲要面對黑白兩道嘅壓迫，Martin Scorsese用三個半鐘時間，超細膩咁交代當中嘅來龍去脈、人物關係，甚至唔同對白同場口，唔駛任何暴力鏡頭咁去製造緊張，呢一點Martin Scorsese絕對功力十足，再加埋Robert De Niro嘅精彩演技（最後廿分鐘係神韻），呢場超史詩式犯罪巨著，確係Martin Scorsese拿手好戲。更厲害係用埋特技效果還原三位「阿伯」，睇住佢哋「由後生演到老」，印象中冇睇過呢類橫跨多年嘅黑幫片，會咁樣拍。
之但係，《愛爾蘭人》有冇神到咁？有少少保留。長到三個半鐘，個人覺得就冇乜需要拍到咁長，超多角色係描述得好細膩，都盡展到Martin Scorsese敘事功架，但係有冇必要細膩到連勁生活化對話都拍得咁細膩、連個「茄哩啡」都俾咁多筆墨佢？我又覺得冇需要。明白Martin Scorsese好想將成件事完整咁還原，之但係拍到咁長而又冇乜高潮起伏，又唔怪得外媒叫人當一套「Mini-series」睇，甚至教埋人幾時「停機」食個飯、去廁所。
文字工作者也得要吃飯，你的支持是我寫下去的原動力。請給點心意，給小弟走更遠的路，寫更多好文章，歡迎透過payme以下連結或QR Code課金以作支持：payme.hsbc/jackyhei
同時，你也可透過Paypal捐款：paypal.me/jackyhei
個人覺得，《愛爾蘭人》係好睇，但又未去到神作地步，但睇到Martin Scorsese開始去到一個地步，搏攞獎之餘都好努力拍一啲佢想拍嘅嘢。只係，話《愛爾蘭人》會橫掃奧斯卡，又真係言之尚早啦。三個老戲骨係演得好，但又唔代表老戲骨一定拎硬影帝或最佳男配角，你睇老是常出現「梅姨」又拎到幾多次？始終呢套都唔係佢哋最佳演出，尤其Al Pacino演得都好普通姐。
後記，睇《復仇者聯盟4：終局之戰》得果三粒鐘，各大傳媒都煲到要去廁所、會唔會睇戲餓親，呢套《愛爾蘭人》長達三個半鐘，仲要喺屋企環境，你點都會停一停去個廁所、拎包薯片食下嘅。
‼最後機會‼
小弟執筆之原創小說已賣剩最後一批，售完即止，請即訂購：http://bit.ly/2PKXYFA
台灣書局兼網上平台亦已上架，可去文中連結購買：goo.gl/xzCymP
更多資訊及文章，請Like Fb Page：
【有故事的旅人】
【晞。觀影記事】
IG請Follow：
#travelerwithmovie
