《鬼影特攻:以暴制暴》(6 Underground):任性的Michael Bay

Michael Bay出品,我諗睇得都知道係乜嚟,所以既然你開得嚟睇,一係為咗睇刺激動作、一係花生佢又搞邊科,小弟兩者都有,一開就大開眼界。

印象中,從來冇睇過套戲可以無止境咁樣飛車,你喺屋企睇可以mon住時間,開場完全唔知發生咩事情況下,Michael Bay夠膽死同你飛車飛足半個鐘,不問情由,毫無背景,仲要話俾人知,自己唔止可以獨創一套「Michael Bay style」,仲可以好任性咁樣玩到大一大。

慢鏡、低炒、分分鐘有廣告、無啦啦有索女阻住、放煙花式爆炸、架車凌空打720度翻斗,今次仲要再創一新招:平地炒車。你唔知咩事,總知架車無啦啦平地爆起,Boom! 畫面係靚,但我相信戲院睇應該會笑出聲。你話爛又唔係,講真真係緊張刺激,之但係佢做緊乜,你唔知道,純粹觀能刺激。

如是者,成套戲的確好似《變形金剛:終極戰士》,唔知佢做緊乜,由頭打到尾,唔駛有劇本、劇情唔駛有邏輯,甚至剪接極奇怪,總之就係一大堆動作場面炒埋一碟就得。不過,呢套好過《終極戰士》好多,因為動作場面有花過心思,都真係拍得緊張,尤其連場高空玩命係睇得緊張嘅,唔係睇住一堆爛鐵亂砌。

Michael Bay成日俾人話佢「環保重用」鏡頭,Sorry囉俾你識穿咗,咁「環保重用」idea都得掛?當年《變形金剛:殲滅世紀》玩磁力幾乎吸咗成個香港上天,今次唔止再創一個「不存在的香港」--到底果度係新加坡定香港,又再玩一次「磁力動作」,which is not really that bad,過癮過《殲滅世紀》,又或者講,可能基於「現實」背景,睇果陣係幾爽。

文字工作者也得要吃飯,你的支持是我寫下去的原動力。請給點心意,給小弟走更遠的路,寫更多好文章,歡迎透過payme以下連結或QR Code課金以作支持:payme.hsbc/jackyhei
75486099_723429001505181_3402665167123644416_n
同時,你也可透過Paypal捐款:paypal.me/jackyhei


即係咁講,如果某一日你唔知做乜好,或者放工返屋企純粹想關閉大腦,搵套爽片睇,《鬼影特攻:以暴制暴》完全不問情由就咁打打打,都將Michael Bay最典型嘅Style發揚光大,任性果隻;唔洗理任何物理常識,佢話得就得。呢套都不能否認係爽片嚟,起碼呢兩個鐘完全唔覺得悶,只係唔知自己睇咗乜。

最爆嘅係,Micheal Bay電影經常出現大量「Hot chick」,最後竟然教你「一夜情要避孕」嘅基本常識,仲要係感性果隻,喂呢個結局絕對「反Micheal Bay」呀!

 

最後機會

小弟執筆之原創小說已賣剩最後一批,售完即止,請即訂購:http://bit.ly/2PKXYFA

 

台灣書局兼網上平台亦已上架,可去文中連結購買:goo.gl/xzCymP

 

更多資訊及文章,請Like Fb Page:
【有故事的旅人】
【晞。觀影記事】

 

IG請Follow:
#travelerwithmovie

 

發表迴響