睇文前留意喇！
「晞。觀影記事」Patreon加強版已經開幕，精選深度獨家電影文章，請即訂閱：https://bit.ly/2TS6BiE
英文片名：The Night Comes for us
《黑夜降臨》係Netflix自家製第一套印尼電影－－諷刺在印尼原來有網絡供應商係Block咗Netflix，都係第一套NC-17電影單純因為暴力問題。
睇過導演前作《突擊死亡局》、《V/H/S 2》（邪教果段），都知道呢條友係癲嘅，但冇諗過癲嘅程度可以癲到咁，堅係睇到你好痛。《黑夜降臨》故事極簡單，一個殺手一時心軟放過個女仔，換嚟殺手集團追殺，然後你估到佢做乜。
一如印尼爆紅嘅《突擊死亡塔》系列，就係將印尼武術發揮極致，總之就一味係咁打，但《黑夜降臨》比《突擊死亡塔》、《突擊死亡局》故事更簡單直線，完全唔駛理佢講緊乜，感覺就好似當年睇《拳霸》咁，總之一味係咁打，打得夠爽夠癲就得。
如果你覺得《拳霸》、《突擊死亡塔》好暴力，係－－的確唔同你睇華語武術片咁「溫文」，但《黑夜降臨》已經唔止叫暴力，簡直一邊打一邊俾你睇人體大觀園，到底一個人唔同部位中刀會發生咩情況。你睇《拳霸》鏡頭話你知係「冇剪接真功夫」，《黑夜降臨》都好極致咁呈現俾你睇，冇剪接做出大量極迫真鏡頭。爆頭、爆腸、爆J、斷指、斷骨、插頸、勾唇等等，你想像唔到嘅死法同暴力場面出齊，睇到心都寒埋兼覺好痛。
《黑夜降臨》最成功嘅係，佢唔單單係拍到好raw嘅暴力，或好似《標殺令》果類展現暴力美學，而係佢每一招一式都俾你睇到拳腳功夫（先唔好理合唔合理）。睇住班人嚟手拎起咩嘢插落咩位點樣爆血，成個過程唔只係Cult（「小心地滑」牌原來可以咁用法）仲拍得好流暢，不時一鏡直落，令你覺得極有實感，呢一點係佩服嘅。
文字工作者也得要吃飯，你的支持是我寫下去的原動力。請給點心意，給小弟走更遠的路，寫更多好文章，歡迎透過payme以下連結或QR Code課金以作支持：payme.hsbc/jackyhei
同時，你也可透過Paypal捐款：paypal.me/jackyhei
你又唔好以為係單純賣弄暴力，拳腳打鬥、刀光劍影絕對極有睇頭，武術指導都唔係流。個人最鍾意刀仔對鐵線一場，可以話係《殺破狼》吳京同甄子丹後巷玩「刀仔戰」嘅變奏版；停車場同工廠一戰－－你唔好理點解佢以幾乎一敵五十都刀槍不入兼流咁多血都唔死，拳腳功夫係拍得爽快刺激。
咁當然啦，睇得呢類戲，你唔好理點解有槍唔用、有刀唔用，係要拳腳打鬥，反而對一個手無寸鐵嘅人就亂槍掃射，總之睇得爽就夠啦。有網民表示，睇完《黑夜降臨》覺得John Wick係小學生級數，咁又唔可以咁比較。或者咁講，我都想睇John Wick拎鉛筆同呢套嘅界刀，嚟場「文具兵器戰」，應該都幾有睇頭。
睇返資料，原來導演打算拍三部曲。喂好丫，《黑夜降臨》撇除動作場面，其實睇完兩個鐘我唔多知佢做緊乜，淨係知好爽，亦對佢拍到咁有實感表示大開眼界，內容係點就唔好深究啦。前作《突擊死亡局》拍得太誇張，反而有啲失望，《黑夜降臨》誇張中又有實感，幾過癮。
【最新旅遊文章】澳洲「國中國」因疫情亡國了
【最新旅遊文章】【三重縣旅遊】赤目四十八滝的綠色世界
感謝各位支持，小弟執筆之原創小說，私人貨存已全部售罄，有意者繼續可到此文章內的連結購買！
更多資訊及文章，請Like Fb Page：
【有故事的旅人】
【晞。觀影記事】
IG請Follow：
#travelerwithmovie
