黑色黨徒／臥底天王：係咪去到最佳改篇劇本地步？

睇文前留意喇！

「晞。觀影記事」Patreon加強版已經開幕，精選深度獨家電影文章，請即訂閱：https://bit.ly/2TS6BiE

當日Spike Lee喺奧斯卡憑《黑色黨徒》攞咗「最佳改篇劇本」，好多影迷都有嘅疑問，有冇好到咁嘅地步？

唔知係咪食住《TENET天能》個勢，Netflix依家上架，或者令John David Washington再唔係大家口中唔知乜水。佢喺《黑色黨徒》嘅演出都幾盞鬼搞笑，前半段甚至覺得佢很傻很可愛，個人覺得佢整體表現仲好過《TENET天能》，唔怪得話「老蘭」睇完佢呢套戲演出，就搵佢演《TENET天能》。

值唔值得最佳改篇劇本，見仁見智，但見片初場演說咁落足牙力為黑人發聲，加埋白人警暴問題，難得果場拍得義正詞嚴，連我唔黑唔白都睇到好激動。所以，你唔難想像政治正確、種族多元嘅奧斯卡，點都要俾個獎佢，換著明年果屆，分分鐘最佳電影都似。

故事講兩個傻臥底誤打誤撞混入「3K黨」（仇視有色人種嘅白人組織），本身係黑人嘅臥底當然入唔到3K黨，就要白人同事幫佢手裡應外合，兩個人將班「3K黨」大玩特玩，當中都涉及到黑人臥底喺警隊都俾人歧視，令過程唔單止係臥底咁簡單。

《黑色黨徒》用黑色喜劇手法拍，過程確有唔少笑料，都成功令呢個比較偏門題材拍得悶場唔多，有搞笑都有緊張場面，絕對好過Spike Lee其他作品。只不過《黑色黨徒》係咪好到攞獎地步，或者只能說佢好政治正確，兼且同屆根本冇對手…

文字工作者也得要吃飯，你的支持是我寫下去的原動力。請給點心意，給小弟走更遠的路，寫更多好文章，歡迎透過payme以下連結或QR Code課金以作支持：payme.hsbc/jackyhei

同時，你也可透過Paypal捐款：paypal.me/jackyhei