英文片名：Martha Marcy May Marlene
又一個已經睇到睇無可睇嘅晚上，見到《瑪蓮邪教離魂曲》原來上咗Disney+（香港只係電影節有上），當年搭長途機半夢半醒咁睇過，印象模糊，只係記得Elizabeth Olsen超搶戲，今次重睇覺得更正。
故事講個女仔逃離咗個邪教營地，返到現實生活投靠姐姐，但係過去嘅陰霾不斷纏擾，開始令佢分唔清現實、幻想同過去。
成套戲節奏的確好慢（所以飛機睇唔會集中到），但係睇落好有戲味，喺屋企坐定定咁睇，約100分鐘又唔覺得冗長。呢套絕對唔係驚慄片，反而係講個女仔受心理創傷後嘅人生，但你又唔好以為係文藝片，或者當係套心理驚慄片看待？兩個時空亦真亦假互相緊扣、超神嘅剪接駁到兩個時空，成功搞到觀眾一瞬間都投入咗女主角視點，唔知自己喺邊個時空。導演Sean Durkin當年初執導筒一鳴驚人唔講得笑，套戲睇得出製作成本唔高，就要靠佢最神嘅電影語言，先至帶動到個故事嘅詭異迷離氣氛，都突顯到女主角嘅內心世界；即使明明冇事發生，都會睇得好緊張。
雖然呢套並唔係賣弄血腥核突嘅邪教電影，甚至有觀眾或者會覺得冇頭冇尾，咁情況下，都可以突顯到成個故事嘅世界觀、喺個詭異嘅邪教世界，呢班人又有一套點嘅法規。冇刻意嘅時間線去講曬成件事來龍去脈，我諗正正係導演想表達嘅用意，女主角將會一生都困喺果個時空，回憶總會不斷打擾；有啲嘢經歷過，惡夢一生都改變唔到，佢自己知道有問題，想改變都改變唔到，以至少少事都會嚇到精神緊張，影響埋身邊人，未來係點，最後一個鏡頭已話你知，自行想像。
文字工作者也得要吃飯，你的支持是我寫下去的原動力。請給點心意，給小弟走更遠的路，寫更多好文章，歡迎透過以下QR Code課金以作支持：
同時，你也可透過Payme link：https://payme.hsbc/jackyhei
或Paypal捐款：paypal.me/jackyhei
Elizabeth Olsen第一套作品絕對一鳴驚人，第一次演出就演個咁詭異、情緒極複雜角色，多場內心戲同小動作都全情投入，唔怪得當年可以一套戲就成為咗觸目新星。事實上，佢一直都係個演得之人，喺Marvel之前小品都好好睇，或者「紅女巫」個角色令佢定咗形，可能難有更大突破，直至《溫黛與幻視》先俾你睇到佢堅好戲，佢當年呢類咁有演技挑戰嘅作品仲更有個人風格。
後記：如果你為咗睇佢露點去睇美版《原罪犯》，點知得十幾秒，加埋美版咁樣玩爛《原罪犯》真係屌一聲，呢套大量裸露鏡頭，兼有劇情需要，相信可以滿足到你。
【最新旅遊文章】【西貢行山】白沙澳經荔枝莊到深涌草原，雞麻峒睹地質公園美景！
【最新旅遊文章】【西貢行山】高流灣經狐狸叫至東龍二輋，賞蚺蛇尖雄奇景色！
如若喜歡本人文章想作定期支持，請即訂閱Patreon加強版，不定期精選深度獨家電影文章及尊享優惠，請即訂閱：https://bit.ly/2TS6BiE
✨電影網店現已開幕，多款電影海報、電影精品低至$5起，快啲嚟睇啦：https://bit.ly/3qLPkpk✨
感謝各位支持，小弟執筆之原創小說，私人貨存已全部售罄，有意者繼續可到此文章內的連結購買！
更多資訊及文章，請Like Fb Page：
【有故事的旅人】
【晞。觀影記事】
MeWe: travelerwithmovie
