依家見工，見你條友唔記得覆電話、唔記得約咗你、唔記得你見咩位好正常。話說有一次見工，對方記得但返工遲到，我最後等咗近一個鐘，ok嘅，唔算耐，一個鐘喺呢行都係正常事。我已經麻木曬。
間Interview room係好典型玻璃房，叫我入去個妹妹神色有啲尷尬，又打眼色俾我打得好明顯，果時不以為然，都好奇怪竟然冇拉窗簾，一般見工都會拉埋個窗簾嘅。喺度等果時，已經好明顯見到出面不斷有員工望住我竊竊私語，感覺未至於伏味特濃都唔太好，只見佢地神神秘秘搬緊嘢出嚟咁，唔知講咩呢？
入到嚟個所謂Department head，係個肥男人，踢住拖鞋毫不尊重，一嚟問我咩名，要睇返我資料，佢好誠實咁話：「丫唔好意思，其實我未睇過你CV，你等等吓。」
然後我哋靜默咗起碼8分鐘，相對無言。我望住個鐘心諗，其實你可以一路睇一路問，或者行返出去睇囉，同埋洗唔洗睇咁耐呀？
有時我覺得你叫得人著到身光頸靚、好尊重咁去見工，你係咪都應該尊重返人呢？見工見得多，看盡呢啲光怪陸離，真係心灰意冷。
喺呢個時候，我百無了賴，望一望出面，竟然見到出面員工拎住大banner：「唔好見呀走呀！伏架！我哋全部辭曬職架喇！」我忍笑忍得幾辛苦，但對面條友又未睇完我份CV喎，我視線唔知放去邊好。
隔一陣，佢哋又換一句：「佢一定問你可唔可以勝任得嚟，記得即走！」
睇佢哋呢兩條Banner，好明顯有盡準備，個個都會咁舉。自己見過無數伏工、做過無數伏工，其實佢哋唔駛舉牌，都知道間嘢伏伏地。一般特徵係你見成間公司勁亂、大部份個位都冇人坐，有人坐嘅位都冇咩私人嘢，咁你就知九成九都係轉手轉得好快。
我見Senior位，佢壓我價壓到萬二蚊，其實都唔駛講落去。當中，我好Proud of以前做過一個客，係Speed Dating公司想用「一個人睇戲」concept做campaign，通常我會力谷present，以往見工啲人都好鍾意，呢個都係我接過廣告入面較鐘意一個。
文字工作者也得要吃飯，你的支持是我寫下去的原動力。請給點心意，給小弟走更遠的路，寫更多好文章，歡迎透過以下QR Code課金以作支持：
同時，你也可透過Payme link：https://payme.hsbc/jackyhei
或Paypal捐款：paypal.me/jackyhei
點知對方話：「你好毒呀，呢個世界邊有人會一個人去睇戲架，咁咒你讀者嘅？你電影blogger應該成日有免費飛啦，你都唔會一個人去啦！我都相信你班讀者唔會一個人睇戲咁悲哀囉！我就唔係好信呢啲Angle會得喇！」我肯定，呢條友唔會合作得來。
見果時，出面班人係咁Fing個Banner，我不斷忍笑，終於明白個妹妹做乜要我對住玻璃坐。我見到呢班人幾羡慕，應該好齊心；好多公司嘅人講就易，做就難。如果佢哋冇水我，關係應該唔錯，仲要份工真係好伏先可以迫到人咁齊心。
我唔知出面班人咩Title，我職責係要Lead條Team，可能係我下屬，咁就應該幾玩得，但對住呢個阿Head。我夾喺中間，知你咩料啦。
臨走果時，佢真係好誠實咁問我：「坦白講，你個位上幾手都冇人捱到超過一個月，你覺得自己勝任到嗎？」
我直接答：「係嘅話，咁我覺得你都幾悲哀。」
佢塊面紅到就爆咁。
【延伸閱讀】見工奇遇記（Part 11）：現實中的「神算軒」
✨電影網店現已開幕，多款電影海報、電影精品低至$5起，快啲嚟睇啦：https://bit.ly/3qLPkpk✨
「晞。觀影記事」Patreon加強版已經開幕，精選深度獨家電影文章，請即按此訂閱！
感謝各位支持，小弟執筆之原創小說，私人貨存已全部售罄，有意者繼續可到此文章內的連結購買！
更多資訊及文章，請Like Fb Page：
【有故事的旅人】
【晞。觀影記事】
MeWe: travelerwithmovie
