見工奇遇記（Part 13）：我唔係上嚟同你傾計架！

話說我去見間agency，對方如常遲到半個鐘，前面個applicant出嚟怒氣沖沖我都覺得有啲嘢，佢出門前竟然同我講：「仆佢個街，晨早叫我上嚟見工，但上到嚟未開門囉ok？我喺走廊冇冷氣等咗廿分鐘！」

我唔知佢咁同我講原因係乜——我覺得好正常，叫你上去見工，間公司未開門，我都試過好多次，但有感伏伏地。

公司喺港島中心地段，一片落地玻璃個view極靚、成幅海景。個景愈靚，間公司愈閪，可能關係不大，但都係我嘅經驗。

「你係嚟見senior social media editor？唔好意思，你部門主管呢幾日都唔喺office，所以會由我嚟見先，我係呢度HR Manager」

我已經嬲嬲地，之前係你日日都唔得閒，我特登就你時間走過嚟，原來條友都係唔得閒。話說我當日又係見三份工，本身已唔順路，特登過完海原來又係流，見我果個人係一個老屎忽樣。

「先介紹吓你自己啦。」

（我講講講，條友篤緊手機，擺明冇聽）

「嗯，不如你介紹吓之前嘅工作經驗？」

「（屌你我啱啱咪講完）唔好意思，你指係深入少少講？」

「唔係呀，好簡單就得。」

（屌你尊重下人得唔得，我再「好簡單」講一次）

「你之前做過agency又做過in-house？不如你簡單講解下做咩？」

（我咪講完啦，你聽人講嘢好唔好，我再講一次）

「我唔係好明你講咩，咩係engagement？」

（可唔可以搵個知我講緊乜嘅人嚟，我再答）

「唔係好明你講咩，唔好蝦我老人家呃我喎，哈哈哈！」

「（好好笑呀屌你，唔明我都廢事講）唔係呃你，咁都係大概流程啦。」

「你之前有協助過做photo-shooting？」

「有呀，我自己都略懂影相嘅。」

「你用相機？」

「係呀。」

「哈哈哈，我哋老人家求其用手機放上網就得架喇。」

「（係，咁又點？）咁幫客做，都要專業少少嘅，同埋我都識用Photoshop。」

「Photoshop？nonono，唔駛咁複雜，我用手機就得。」

咁到底係你用手機定份工需要？如果你咁簡單我都可以好簡單。

「咁除咗工作上你有冇用開social media？」

「我自己都有經營Facebook page，都有同唔同公司合作過廣告同大型campaign嘅，例如…」

「得得得，自己嘢唔駛同我講，我要business、要返工嘅。」

「（著著地，咁你又問我）不如等我講埋先好冇？我自問接過幾個project，分分鐘仲大過我返工嘅，例如…」

「（又篤手機）咩呀，即係果啲咩KOL呀？算係經驗咩？你識Facebook點落廣告咩？」

「（咁你又識唔識？屌你有冇聽我講咩，特登加重語氣）我識… 拿！正如我頭先所講呢，我之前有做過agency同in-house嘅social media工作…」

「丫，係喎你做過agency！做啲咩架？」

到底你知唔知我講緊咩，到底你知唔知自己做緊咩，到底你有冇聽我講咩？

「我見你freelance咗咁耐，你係懶唔想搵工，定真係搵唔到工？做freelance好好搵？」

「（已經著咗）我唔係唔搵工，只係依家好難搵工，搵唔到工，我都要開飯、我都有生活，換著係你，搵唔到工又有freelance，你做唔做丫？有part-time你會唔會頂住先丫？如果我咩都唔做，果啲就真係叫懶囉。」

「（不為所動）吓你講呀？我唔相信依家job market搵唔到工囉。」

「我講嘅係事實，你唔信都冇辦法。」

「（完全唔理你，又跳tone）咁你上一份工唔做原因係咩？」

「因為公司重組架構。」

「咁姐係公司執定係俾人炒？」

「（你老味我成堆reference letter寫曬原因，唔該你睇一睇先問）咁坦白講，都算係執咗個部門嘅，我Reference letter都有寫到轉做Freelance原因。」

「我睇到（屌你分明冇睇啦），但好地地做執間公司都唔方好囉。」

我都想有能力整執人哋公司，唔通我一個小小員工會累你公司執？

「你仲有冇咩問題？」

「冇，係咪做完，可以走得？」

「真係冇？可以傾多陣喎。」

文字工作者也得要吃飯，你的支持是我寫下去的原動力。請給點心意，給小弟走更遠的路，寫更多好文章，歡迎透過以下QR Code課金以作支持：

同時，你也可透過Payme link：https://payme.hsbc/jackyhei
或Paypal捐款：paypal.me/jackyhei