一年一度，「晞。觀影記事」年度大型包場活動！
因為舊年實在太多人移民，今年都淆淆地仲有冇人，但又咁諗，舊年同樣好多人冇打針嚟唔到，今年加返呢班，會唔會補返人流？12週年第一次搞包場，用咗Christopher Nolan《蝙蝠俠：黑夜之神》IMAX開始，今年好大機會最後一年，作為IMAX Fans，又係15週年，好頭好尾互相呼應返啦！
今年係第一次包場唔駛帶口罩可以同大家合照呀！
‼️首先，唔理你嚟唔嚟到，請俾個like甚至share出去，俾多啲人知道！Like完當然最好參加埋啦！
⚡️《#奧本海默》IMAX版包場詳情：
📅日期：2023年7月22日（星期六）
⏰時間：17:00（片長180分鐘）
📍地點：英皇ISQUARE IMAX戲院
💰票價：$245/位；Patreon用戶$225/位（每個Patreon用戶最多限購4張）（歡迎俾多當課金），所有觀眾都可獲得《奧本海默》IMAX海報乙張
Patreon連結：patreon.com/travelerwithmovie
👫🏻名額：約360位（頭三行、第四五行側暫無打算發售，如反應超好再作考慮折扣價發售）
🎞️內容：小弟講兩句+電影放映，有冇咩嘢送待定
💳付款方式：
– Payme付款：https://payme.hsbc/jackyhei
– 如需用銀行入數或FPS付款方式，請inbox查詢。
– Paypal：不建議‼️如果要用，連手續費每位票價為$260。paypal.me/jackyhei
‼️確認流程：（重要‼️）
– 請付款後將payme/入數/FPS/paypal付款確認信息cap圖或影相，（如查詢入數或FPS帳戶，或會影響付款時間）填妥以下表格：https://bit.ly/travelerwithmovie15th
填妥後喺Facebook或Instagram inbox我，並提供以下信息：
1️⃣ 寫明「15週年包場」
2️⃣ Google Form登記名字（Patreon請列明用户名稱）
3️⃣ 一如舊年，我唔介意你俾多當課金，但為免誤會，如果你課金，請加句「有多當課金」
– 我會喺你inbox信息發出24小時內回覆你一個確認號碼。有確認號碼方為成功參加，當日憑確認號碼入場。
– 萬一我24小時內真係冇覆你，麻煩講多次或留言話我知。
– 當日必須有確認號碼先可以入場❗所有付款後必須Inbox我，取得確認號碼❗
– 如果驚我miss咗，歡迎加多個留言告知已付款。
🎟️座位安排：
– 將會按照付款次序（以入數時間為準）幫閣下揀選最佳位置，如有特別要求請預先說明，到時再按號碼拎戲飛
– 座位編排將按入數時間先後次序排列，不能保證全部連位，只能保證作最佳安排
– 如沒有標示特別要求，座位將隨機分配，不能更改
– 如需更改出席人數，請盡早通知，每組預約號碼只能更改一次出席人數
🤡活動已爆滿的話點退款？
– 活動名額先到先得（以完成付款及成功取得確認號碼計）。若有幸滿座但你又已經比咗錢，你會一星期內收到退款
– 退款方式：你點俾錢我就點退錢（Payme就payme，入數就入數）
（重要❗重要❗）私人原因嚟唔到，或因OT或因屋企人突然生日或隻狗突然病咗唔俾你入場，不設退款‼️
❓當日有突發事件點算❓
如果戲院因各項原因暫停營業，或者技術問題套戲唔可以播放，我會喺活動當日14日內全數退回相關款項，兼喺Facebook/ IG/ Blog公佈相關事宜。如遇上極端天氣如八號風球、黑色暴雨，但戲院冇停業嘅話，活動都會照去而不作退款。
後記：
撇除移民因素，上三年都成功搞到，今年好希望都可以成功舉辦。每一年搞壇咁嘅嘢都好大壓力，甚至都預咗嚟緊呢半個月冇覺好訓，日日提心吊膽銷情、有冇嘢甩漏，但每一次成功舉辦，現場同大家傾吓計、影吓相，可以同志同道合嘅讀者朋友，將關係線上發展到線下，都係我其中一個搞呢個場嘅動力。
加上，一個疫情再加一個移民潮，今日唔知聽日事，見得一次就一次，做盡無悔啦。
都係果句啦，唔好又話咩留位但唔俾錢住，大家成年人喇，唔好走數啦唔該。可以嘅，搵多啲朋友睇，幫我撐爆個場啦，都希望可以盡早報名，一來個個諗吓先就會搞唔成，二來次次去到最尾一兩日先決定，我真心好大壓力。
預先感謝每位肯支持嘅朋友，我會努力試吓除咗IMAX海報之外，仲有冇咩禮品或者咩嘢送，我都希望可以做到舊年咁樣效果。
今年第一次星期六搞，如果搞得成，都希望散場大家唔駛趕住走，可以傾兩句啦。
