又買咩手信呀?

15056259_1234390183302267_2518031722123151134_n

問你一個問題:澳洲有乜手信好買?

相信係好多backpacker返香港前難題。

大家第一時間會諗起鳥結糖,但係問心你去一兩年入面有幾可見到?出名喺邊?想將至愛帶回家,買TimTam買RedRock又覺得太cheap?買圖中見到嘅公仔,人地唔覺得冇癮你自己都唔好意思。所以,出得嚟行,都有帶返得著返老家:就係慳得就慳,買嚟把鬼。

次次去旅行總有啲屎忽鬼跳出嚟叫你買手信,老奉咁,平時唔見佢搵你,都從冇收過佢手信。我唔明做乜我去旅行要有壓力、同你帶貨,然後仲俾你嫌三嫌四。如是者,我學識咗,不如咪買。

以前美國實習返香港前又陷入『手信的煩惱』,最後求其買盒主題樂園朱古力『交功課』。智利同事同我一齊行,完全唔明你班Asian買手信用意係乜,為買而買,買唔到竟然自己有壓力,要留最少半日去買手信。佢問完我都解釋唔到,我自己都覺得荒謬。

我覺得,買手信意義係,你真係覺得果樣嘢啱佢而買,而唔係求其為買而買,甚至為咗買手信,特登去加行李,真心癡乜線。老實講,就連應付濕鳩多事都多鬼餘,只係你廢事俾人講,求其返到屋企樓下間759買都要,但呢種咁智障嘅Asian style, sorry, 我睇唔透。

以前都分享過,有朋友去完台灣冇買手信,結果竟然拎佢高鐵張爛車飛做手信,大家尷尬收完路口垃圾筒見。真心唔明,咁假做乜。

如果我去過澳洲,收到圖中手信會得啖笑;如果我冇去過澳洲,收到圖中手信我都唔知掉唔掉好。

我唔介意冇手信收,都唔好老奉咁覺得我一定要買,我絕對唔會為買而買。旅行嘅時間、旅行嘅旅費係我嘅,你歡迎話我鬼仔性格(?),但我唔會刻意去同你買一堆垃圾手信,大家冇癮又傷感情。

頂多寄張postcard,返嚟食個飯講下旅遊故事咪幾好。

不過,我知,香港人忙到食飯都冇時間,鬼得閒同你食飯?有手信,地鐵站交收又另一回事。

 

【延伸閱讀】行程後的手信壓力

【延伸閱讀】想清楚自己旅行的意義

 

如欲看更多資訊及文章,請即Like【晞。觀影記事】【有故事的旅人】專頁!
全新IG亦已開放,請Follow:#travelerwithmovie

廣告

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s