《玉子》（Okja）：奉俊昊較為失望作品

由《綁架門口狗》開始，奉俊昊嘅戲基本上都冇乜邊套特別失望，嚟到呢套《玉子》更加搞到好似係Netflix同電影／戲院業界宣戰嘅戲咁，話題已先行。唔知係咪因此套戲被捧到神作一樣，甚至被唔少網站捧為年度十大最佳電影之一，到底係咪神到咁？

講真套戲絕對唔差，但可能俾外界捧得太行，我期望太高睇完係有少少失望嘅。可能有Tilda Swinton，又講少少權利同社會問題，仲有又係英語同韓語加埋，珠玉在前點都會諗起《末世列車》（仲有條腸我成日形住會好似果舊疑似芝麻糕咁做），之但係套戲批判力度同劇力都冇想像中咁強，即使結局有一刻感動或者講心痛，效果又未去到令你嘩然果隻。可能，個故事始終想玩感人，變咗真正同大企業宣戰嘅戲份，只係流於後半段重頭戲。最後，套戲完得太突兀，搞咗兩個鐘原來就係咁，都冇咗奉俊昊散場後令你歷久不忘果種震撼力。

文字工作者也得要吃飯，你的支持是我寫下去的原動力。請給點心意，給小弟走更遠的路，寫更多好文章，歡迎透過payme以下連結或QR Code課金以作支持：payme.hsbc/jackyhei

同時，你也可透過Paypal捐款：paypal.me/jackyhei