Westworld 西部世界 (Season 2)

成件事唔止最後幾集不斷「扭橋」扭到有一刻我覺得自己都俾人控制緊外，更正係佢由好基本嘅「機械人叛變」故事，玩到開始處處出現宗教符號，就連進化論都有少少拉埋嚟講。一班角色處境已經唔止係有冇俾人控制，當中講到「自由意志」同人類對「長生不老」嘅渴求，加埋背後陰謀「扭橋果樣嘢」，都係對現今社會一個諷刺，確係令到個故事加曬分，唔單單係一班機械人嘅「覺醒」過程，同時都將人類善惡一面寫得好細膩，尤其睇到最後果幾集再加分。

只係，對比第一季，咁樣扭來扭去個人覺得有少少過咗火，唔止成件事可以同《Matrix》Crossover，集集去到最後都要俾個「爆點」你，而一切N年前已經計劃好曬，感覺仲勁過Jigsaw，希望最後唔會好似當年《Lost》咁玩到離題萬丈。

同埋，一間公司咁多秘密咁多陰謀咁多計劃，喂點同你打工呀？

文字工作者也得要吃飯，你的支持是我寫下去的原動力。請給點心意，給小弟走更遠的路，寫更多好文章，歡迎透過payme以下連結或QR Code課金以作支持：payme.hsbc/jackyhei

同時，你也可透過Paypal捐款：paypal.me/jackyhei

不過最後一集精彩到不得了，最後廿分鐘睇到我屏息以待，用咁短時間解釋曬成堆謎團，再呼應返第一集發生嘅事，你班編劇係咪癡線架？

值得一提係，螢幕比例不斷改變，難得又符合劇情所需，不斷係咁局中有局再有局完仲有局完仲有多個局，下季如果大戰的話，真心可以學《Game of throne》咁用IMAX做大結局，「老蘭」玩慣架啦。

又，2020年第三季第一集可唔可以總結返呢兩季發生過咩事，我已經睇到分唔清自己係喺現實定虛擬世界。

‼最後機會‼

小弟執筆之原創小說已賣剩最後一批，售完即止，請即訂購：http://bit.ly/2PKXYFA

 

台灣書局兼網上平台亦已上架，可去文中連結購買：goo.gl/xzCymP

 

更多資訊及文章，請Like Fb Page：
【有故事的旅人】
【晞。觀影記事】

 

IG請Follow：
#travelerwithmovie