American Horror Story Season 3: Coven：血腥變態版《哈利波特》配《變種特攻》乜搞成咁？

前兩年因為玩Universal Studios嘅Halloween而狂煲《American Horror Story》，但第三季《Coven》人人都話爛尾而飛咗，同埋，今年都唔再用AHS做鬼屋，都對佢興趣一般。

因為剛剛公佈九月開播嘅第八季《Apocalypse》，將會以第一季《Murder House》同呢季Crossover，而我極鍾意《Murder House》，所以都決定嘥幾日睇返第三季。

聞名不如見面，睇完真心嬲。

講真頭一大半係好精彩，講一班女巫喺學校嘅明爭暗鬥，一齊對抗外敵之餘，內部又個個互相唔啱，擺明就係Harry Potter配X-men嘅變態暗黑成人版，只係少咗啲合家歡情節，多咗啲斷手斷腳、甩皮甩骨、意識極不良嘅性愛暗喻嘅鏡頭姐。

故事個設境幾得意，借一間女巫學校講種族問題、女性主義，再滲入親情、友情等等元素，當然離不開大量超扭曲嘅關係、估你唔到嘅秘密等等，頭果七至八集一樣好似《Murder House》同超神嘅第二季《Asylum》咁緊張到你抖唔到氣。

頂，點知去到最後果幾集亂曬龍。

唔難想像點解要同《Murder House》Crossover，都係講成班人死完又生、生完又死，唔知邊個生邊個死邊個死咗都唔知，再加埋一班女人個個各懷鬼胎，鬥個七彩，就真係等於《Murder House》入面關係七國咁亂咁。點知呢季想玩無記式「女人宮廷鬥爭」戲但立立亂，鋪得太多人控制唔到，性格同陣營隨便話轉就轉；至於《Murder House》有一套獨特遊戲規則（結局果幾個twist真係blow my head off），呢一季成班友因為識「巫術」，玩泥沙咁隨便可以死完又生，遊戲規則堅係亂咁改，最後果幾集絕對係咩都佢講曬。

前面煞有介事鋪咗好多伏線，極期待佢可以點樣兜，例如邊個整盲某角色、鄰居真正身份到底係乜、到底Kathy Bates個角色真係咁癲定係屈佢，丫頂你原來鋪完出嚟解釋唔到就索性唔解釋，一係求鬼其整死曬啲人就算，尤其最後一集真係好明顯兜唔到就整死曬啲人。咁都得？

文字工作者也得要吃飯，你的支持是我寫下去的原動力。請給點心意，給小弟走更遠的路，寫更多好文章，歡迎透過payme以下連結或QR Code課金以作支持：payme.hsbc/jackyhei

同時，你也可透過Paypal捐款：paypal.me/jackyhei

其實呢兩季大部份角色都死鬼曬，到底第八季可以點樣Crossover呢班角色？定係宣傳技倆得個吹？

呢一季亮點係Emma Roberts同Taissa Farmiga，前者完美將一個「變態八婆」演得淋漓盡致，本身唔係好鍾意佢都眼前一亮，至於後者，冇，純粹係覺得佢好Pure好正（只係呢季），就算癲起上嚟大屠殺都保持到咁Pure，期待佢大銀幕喺《詭修女》（同家姐Vera Farmiga嚟個驅魔平行時空）嘅演出。

Sarah Paulson當然咁多季都永冇失手，我都期待「癲婆」Jessica Lange第八季回歸，可唔可以救返成套嘢。

‼最後機會‼

小弟執筆之原創小說已賣剩最後一批，售完即止，請即訂購：http://bit.ly/2PKXYFA

 

台灣書局兼網上平台亦已上架，可去文中連結購買：goo.gl/xzCymP

 

更多資訊及文章，請Like Fb Page：
【有故事的旅人】
【晞。觀影記事】

 

IG請Follow：
#travelerwithmovie