《末世凶煞》有話題但極考視力兼體力、《末世街10號》就堅精彩，話曬呢個「神秘Universe」都睇咗兩套，呢套「源頭」嘅《末世悖論》無論幾劣評都好，點都要睇睇。
因為劣評得太誇張，降低咗期望，我又唔覺得差成咁，只覺白白浪費咗一個好好題材。
一班太空人喺外太空進行粒子實驗，點知連成個地球都整唔見咗（嘩玩到咁大），然後疑似走咗入個神秘時空，加埋種種超自然嘅力量，一如兩集「末世」故事咁，你完全唔知佢發生咩事，都睇到好緊張（即使上兩集都係冇結局），但因為謎團比上兩集更多更複雜，你鋪得到唔代表你解得到，後面就亂咁嚟喇。
我所講嘅唔太差，正係因為套嘢不斷有緊張位，可以話比上兩集更多緊張位（上兩集其實靠氣氛、講多過做），後段甚至有唔少大場面，如果唔係俾Netflix買咗，我相信上IMAX 3D都似，純粹講求觀能刺激，當一套外太空困獸鬥片睇，係唔差嘅。
文字工作者也得要吃飯，你的支持是我寫下去的原動力。請給點心意，給小弟走更遠的路，寫更多好文章，歡迎透過payme以下連結或QR Code課金以作支持：payme.hsbc/jackyhei
同時，你也可透過Paypal捐款：paypal.me/jackyhei
只係，因為前段鋪咗太多伏線，後段一係完全解釋唔到，一係就求鬼其亂咁用一堆似是而非嘅科學定論，去解釋唔同時空、成堆異像做乜會出現、點樣救人自救，甚至構思到一個好難決定嘅「人生的抉擇」，但其實全部都係一味得個講，啲所謂科學定論，正宗係你話乜就乜，完全吹水唔抹嘴，睇到我r曬頭到底你做緊乜。
我明點解好衰唔衰，譯做「悖論」。
解唔到都算，為咗連返兩集「末世」系列，好牽強咁解釋怪獸點嚟，同時又整段平行時空講地球發生緊咩事，以為會有咩驚喜，點知原來真係為咗連返兩集「末世」故事，對套戲完全冇任何幫助？
最鬼頂癮係，章子怡個角色夠膽死全程講普通話，而成架機啲人又全部都識聽，仲要控制中心已經去咗秦皇島，但係隻怪獸出現都係要搞美國先？做咩嘢呀？
好啦，前前後後連得埋一個三部曲喇，阿JJ生仲會唔會玩「末世」嘅神秘第四部曲？呢集真係一鋪清曬袋喇，係咪派拉蒙睇完都覺賴嘢，不如賣俾Netflix算？
最可惜係，浪費咗一班好演員，搞到好似成班癡癡呆呆坐埋一枱咁。其實成班「專家」圍埋一齊，都做出咁多智障行為，一次係咁蠢兩次都係咁蠢，咁就抵你死啦。
‼最後機會‼
小弟執筆之原創小說已賣剩最後一批，售完即止，請即訂購：http://bit.ly/2PKXYFA
台灣書局兼網上平台亦已上架，可去文中連結購買：goo.gl/xzCymP
更多資訊及文章，請Like Fb Page：
【有故事的旅人】
【晞。觀影記事】
IG請Follow：
#travelerwithmovie
