話說我喺哥倫比亞識咗個英國人，當時佢正好型咁拎住塊衝浪板滑浪，休息時佢冇嘢做飲啤酒，我又冇嘢做飲啤酒，大家就望住個海吹下水，講講吓先知原來佢都係影迷，但好憎Terrence Frederick Malick，對於我覺得《生命樹》唔係咁難睇佢真心Fuck咗出嚟😂

然後講講吓就講返佢做乜走嚟學滑浪，佢嘅理由係，冇呀，喺度留咗幾個月，悶悶哋冇咩好做咪學下衝浪囉。嘩，型到你呢。

我buy外國人嘅生活態度，但好好奇佢哋點解可以花幾年時間咁環遊世界，當然，佢哋大部份都有freelance job，亦識都唔少係Blogger－－外國做Freelance係堅有人工唔似香港咁拖你幾個月都唔足，然後隨時同你違約cut你錢，你吹啤咩，而做Blogger係可以平步青雲，稿費同廣告費源源不絕。

香港？屌！落廣告「冇Budget」所以冇錢是常識吧。稿費？咩嚟架？版權？有嘅咩？

我最葡萄係呢位英國仔唔止係Blogger，仲係IMDB同Rottentomatoes嘅Freelance editor。吓？有啲咁嘅嘢嘅咩？

原來，IMDB你俾咗錢去佢個高級Account係有多好多嘢睇，而呢個Database都唔會淨係電影公司自己寫上去，有時都要人幫手整理下資料、寫下簡介之類，佢職責就係做呢樣。Rottentomatoes就仲易，間中有堆專題文章，佢就有幫手咁寫一兩篇。

實際工作量唔多，可能就係一星期淨係花一日時間，只要有電腦有WiFi，佢就可以工作，我問佢一個月大約可以有幾多錢，佢話唔多，only £1,500。

ONLY??? WTF??? Are you kidding me???

喺香港Freelance咁樣寫法，一篇三千字文章有1,500港紙你都差啲要叩謝老細大恩大德，你寫果啲十大乜乜電影咁幾句竟然有£1,500，大佬我即刻英文隊十篇俾你都得啦。

我問，你真係就咁IMDB同Rottentomatoes果一星期一日工作量有呢個數，冇接其他Job？佢堅持話冇，仲話自己流浪咗五年都係靠咁樣維生。佢仲好自豪咁Show俾我睇，佢已經寫定埋下星期需要嘅稿bla bla bla…

我相信香港好多人朝九晚十，一個月都冇£1,500，從事文字工作Freelance如小弟，分分鐘寫到隻狗咁，俾人偷埋你篇文唔落credit，一個月都冇HK$1,500，你咁樣流浪打Freelance都有£1,500？

可能佢有誇張，但我見太多外國Blogger，甚至話外國人都係咁樣生活，相信佢筆錢係雖不中亦不遠矣。

我即刻話，喂！請唔請人呀！我得架！最多我唔提《生命樹》啦😂😂😂

然後佢都係話，好呀留低你contact我幫你問問之類，然後…

你懂的。