陰宅異事 The Haunting of Hill House:恐怖題材咁樣拍法堅Masterpiece!

由開播到依家,一直都有讀者係咁同我推薦,話鍾意恐怖題材一定要睇,如果我鍾意《American Horror Story》(AHS)第一季,呢套一定會鍾意。

抱住呢個期望係有少少失望,因為呢套嘢唔可以話係恐怖劇,雖然故事的確同AHS第一季有少少相同(喂唔好講第八啦),但恐怖元素冇咁癲,甚至未睇到最後一集最後十五分鐘,我都唔知係咪真係有鬼。如果要求恐怖,當「靈異劇」咁睇,應該幾失望,甚至會悶。

之但係,由另一角度去睇,雖然未去到「神劇」地步,但用咁樣方式包裝又幾好睇。除咗前兩日分享第六集果場一鏡直落兩個時空夠「神」之外,用一間鬼屋去包裝親情問題、充滿秘密嘅破碎家庭,點樣影響一班家庭成員嘅一生,從中再探究死亡,甚至用一集咁講每個家庭成員嘅成長故事,反而幾有戲味。套劇最好睇唔係恐怖場面,而係一班家庭成員嗌交互揭秘密,然後又點樣和好如初、自圓其說到嘅情節。對比一般「倫常劇」多咗幾分奇幻元素,當中嘅信息又好明顯:好多嘢要講就要講,唔好等對方死咗先去講,愛要及時,唔係後悔太遲。

除咗玩靈異,仲(疑似)有玩時空,故事鋪排上前呼後應,仲有少少講到因果循環,第一集嘅伏線可能最後等到第十集解釋返,呢樣係好有驚喜,當然不得不提第五集「果一下」啦。

文字工作者也得要吃飯,你的支持是我寫下去的原動力。請給點心意,給小弟走更遠的路,寫更多好文章,歡迎透過payme以下連結或QR Code課金以作支持:payme.hsbc/jackyhei
75486099_723429001505181_3402665167123644416_n
同時,你也可透過Paypal捐款:paypal.me/jackyhei

 

 

作為美劇,唔難想像一定有n個Season,呢樣就做得有少少冇癮。初頭以為佢連住落,點知剛剛公佈,又係AHS咁一季一個故事,但呢套睇到季度大結局仲有十萬個為甚麼,完咗一季仲有太多問題冇解釋;當你以為會解釋更多時,無非係用咗十集去解釋一晚之間發生嘅事,睇到最後,竟然係咁,就有少少失望了。如果你連住落,咁收結法係可以接受,但如果之後唔再解釋,要觀眾自圓其說呢一切都係幻覺,咁就唔多得喇。

咁話說,今年Universal Studios已買咗版權做Halloween鬼屋,如果成事,呢壇嘢應該幾好玩。

最後機會

小弟執筆之原創小說已賣剩最後一批,售完即止,請即訂購:http://bit.ly/2PKXYFA

 

台灣書局兼網上平台亦已上架,可去文中連結購買:goo.gl/xzCymP

 

更多資訊及文章,請Like Fb Page:
【有故事的旅人】
【晞。觀影記事】

 

IG請Follow:
#travelerwithmovie

廣告

發表迴響