‼️首先，唔理你嚟唔嚟到，請俾個like甚至share出去，俾多啲人知道！
🦇《蝙蝠俠：黑夜之神》Laser IMAX包場詳情：
📅日期：2020年6月17日（星期三）
⏰時間：21:15（片長153分鐘）
📍地點：英皇尖沙咀iSQUARE Laser IMAX
💰票價：$100/位
👫🏻名額：185位
👔Dress code：冇，但你鍾意扮Batman扮Joker（邊個version都好）甚至小丑女都冇問題，但Ironman、Captain America就唔好亂踩場喇
🎞️內容：小弟分享+電影放映（具體待定）
🎟️座位安排：
– 公平起見不設劃位。早入場，早揀位。要正中靠後靚位建議早D到！真係遲到入場的話，最盡都係坐D行，頭3行會Block咗
– 由於疫情關係，到時都仲係要隔位坐，兩個位與兩個位之間會隔位
– 需要跟從戲院指示入場，包括量體溫、觀影時全程戴口罩、院內嚴禁飲食等等。因違反戲院入場守則而不予入場，或被請出場均不設退款。
💳付款方式：
– payme付款－－
網址版：https://payme.hsbc/jackyhei
QR code版：
– 如需用銀行入數或FPS付款方式，請inbox查詢。
– Paypal：不建議！！如果要用，連手續費每位票價為$120。paypal.me/jackyhei（重申：不建議！！）
‼️確認流程：（重要‼️）
– 請俾完錢後將payme/入數/FPS/paypal付款確認信息cap圖或影相，立即喺Facebook或Instagram inbox我，並提供以下信息：
1️⃣ 寫明「12週年包場」
2️⃣ 你個Facebook/ IG名
3️⃣ 戲飛數量
4️⃣ 我唔介意你俾多當課金，但為免誤會，如果你課金，請加句「有多當課金」
– 我會喺你inbox信息發出24小時之內回覆你一個確認號碼。有確認號碼方為成功參加，當日憑確認號碼入場。
– 萬一我24小時內真係冇覆你，麻煩講多次或留言話我知。
– 當日必須有確認號碼先可以進場❗所有付款後必須Inbox我，取得確認號碼❗
🤡搞唔成／活動已爆滿的話點退款？
😭搞唔成退款：由呢一刻到5月27日晚23:59，如果總付款人數少過120位，活動即取消。已付款朋友會一星期內收到退款，你點俾錢我就點退錢。
😭已滿座退款：活動名額先到先得（以完成付款及成功取得確認號碼計）。若有幸滿座但你又已經比咗錢，你會一星期內收到退款，你點俾錢我就點退錢。
（重要❗重要❗）私人原因嚟唔到或因發燒或身體原因戲院不允許你入場，不設退款‼️
❓當日有突發事件點算❓
如果發生以下情況，我會喺活動當日14日內全數退回相關款項，兼喺Facebook/ IG/ Blog公佈相關事宜－－如果到時Facebook已死，去我Blog相見
– 戲院因各項原因暫停營業，或者技術問題套戲唔可以播放
– 如果戲院附近區域「烽煙四起」（你懂的），但戲院冇停業嘅話，活動都會照去
事前有幾位朋友「落訂」嘅，我多謝你支持，麻煩你Inbox我，cap返你付款圖，講你已俾咗錢，因為我真係唔知你邊位。
—–重要嘢已講完之分隔線———–
後記：
我唔知你係剛剛睇我，定還是已經支持咗我12年，呢鋪搞唔搞得成，點都好，你都係陪伴過我成長嘅重要讀者，呢次真係睇你哋幾願意去撐喇。10週年陰影我可能講一世都會記得，如果12週年再一次搞唔成，下一次我唔知幾時架喇，希望大家多多支持，搞得一次自有下一次，都希望講得出做得到，唔好又話咩留位但唔俾錢住，大家成年人喇，唔好走數啦唔該。如果唔介意嘅，搵多啲朋友睇，幫我撐爆個場啦。
呢次唔係平時分享會，book個hall或間cafe，就算唔爆我可能都係蝕幾百一千，依家講緊係一間戲院、仲要係IMAX，呢次堅係玩大佢架喇，事成應該係我一個里程碑。
預先感謝每一位肯支持嘅朋友，我會努力試吓R下有冇咩禮品或者咩嘢送，都希望個流程令大家愉快同睇得開心，但唔擔保呀吓。
學IMAX Slogan話齋：Think big.
希望搞得成，多謝各位喇🙇🏻
