睇文前留意喇！
「晞。觀影記事」Patreon加強版已經開幕，精選深度獨家電影文章，請即訂閱：https://bit.ly/2TS6BiE
小弟見得嘅工，唔係文字就係social media，份份工都係一樣Job description，我都講到熟曬，今日呢個就有少少新意。
話說我都係見一份Content writer工作，個interviewer問：「你唔識graphic design同整動畫？」
Graphic design都算，其實根本兩個範疇，係今時今日諗縮數搞到識字要識圖，兩樣其實九唔搭八，可能有朝一日做地盤要識埋煮飯都唔定，唔好理點解，我就唔相信有好多人兩樣都perfect，但整動畫？
（屌又係咁）「基本改圖砌圖執相我冇問題，但你話真係design一張好專業海報我就未必好識，至於製作動畫，我承認冇相關經驗。」
「你話之前工作多數都係copywriter，但冇相關經驗？」
（屌我已經打算唔做，唔怕串啲）「冇，因為我係copywriter唔係graphic designer。」
文字工作者也得要吃飯，你的支持是我寫下去的原動力。請給點心意，給小弟走更遠的路，寫更多好文章，歡迎透過payme以下連結或QR Code課金以作支持：https://payme.hsbc/jackyhei
同時，你也可透過Paypal捐款：paypal.me/jackyhei
「我俾萬三蚊你唔會淨係叫你manage social media同寫文咁簡單囉！其實今時今日做得呢個位已經係要All-rounded，唔止識寫字執圖剪片，出Event果陣都有機會要做埋司儀或者主持，如果你冇相關技能，點解唔去讀個Course？我知道坊間好少少嘅班都唔係好貴，平平地千零蚊一堂，我唔覺得會Afford唔起囉，要做呢份工就應該先上下堂。你之前啲工做咩架？咩都唔駛做？」
梗係啦，你殘民自肥，你一定Afford得起。另外，又係JD唔寫清楚，轉頭上到去亂咁加嘢，唔該唔好嘥我時間。
（唔好嘥我時間，又壓價壓萬幾，走得）「我reference check寫咗之前上司電話，你可以打去問我點解唔駛做動畫。」
激到佢紅都面曬，提早散場。
今時今日你班友諗住萬幾蚊可以請個全材，你俾三四皮我唔介意咩都識咩都學，如果壓價一萬，我真係就算識都扮唔識。
諗起最經典一次去見間時裝雜誌，條件係要識得寫字、Social media、攝影、繪圖、製衣、時裝設計、採購，各有最少兩年經驗，外加模特兒經驗is highly preferred，開價萬一。
如果你搵到一個咁嘅人而又加埋近十年經驗肯同你萬一做，我乜都得。
【延伸閱讀】見工奇遇記6：30分鐘內嚟到我公司！
感謝各位支持，小弟執筆之原創小說，私人貨存已全部售罄，有意者繼續可到此文章內的連結購買！
更多資訊及文章，請Like Fb Page：
【有故事的旅人】
【晞。觀影記事】
IG請Follow：
#travelerwithmovie
