其實,一個人又有咩好怕喎?

由以前去旅行到依家去行山,每次發文話一個人去旅行、一個人去行山,都會俾人話,點解要一個人去呀?一個人去危險呀!一個人去咁悶!一個人去點會接受到?

你知我知,一個人點都會比兩個人更危險,當然都更悶,但都係果句:「有頭髮邊個想做癩痢」

如果搵到人一齊去,又點會想自己一個人?問題係,當你用到近乎求嘅姿態,身邊都冇一個人有興趣,加埋疫情關係,太多人街都唔敢出,你叫佢去行山,當然係冇可能嘅事。

好多人會話,搵唔到人,咪到搵到人先出發囉。如果等到「搵到人」的話,我相信我過去十年都未去過旅行;如果行山要等到「搵到人」先至去,最終唔係落雨就係變咗酷熱天氣警告,由秋天等到夏天再等到下一個秋天都未去到,更甚是呢個又話累,果個又話早起身,搞搞吓連嘉頓山都去唔到。

文字工作者也得要吃飯,你的支持是我寫下去的原動力。請給點心意,給小弟走更遠的路,寫更多好文章,歡迎透過以下QR Code課金以作支持:75486099_723429001505181_3402665167123644416_n
同時,你也可透過Payme link:https://payme.hsbc/jackyhei
或Paypal捐款:paypal.me/jackyhei

唔係話一個人就可以心口掛個勇字,都唔係話一個人可以解決到一切「悶」嘅問題,一個人確有意外過、一個人都總會寂寞有時。只不過,一個人周圍去咗咁多年,當然識得點同自己相處,都會知道有咩係危險、有咩係自己極限要量力而為。如果話「悶」,你同著個唔啱傾嘅人一齊行,只會更悶;如果話「意外」,正所謂「意外即係意料之外」,雖然話多個照應,但要有意外,兩個人都一樣會有意外,甚至可能因為你習慣咗有個人依靠,自己冇做足行程資料搜集,又或者掛住傾計反而會有意外,就睇你點諗。

好多人從來未試過一個人去行山去旅行,最誇張曾聽過有朋友講,從來未試過一個人喺街食飯,或者會覺得「一個人」做乜都悶、做乜都危險,但其實一個人都係同自己學習相處、同自己對話、認識自己嘅好時機,如果下下去邊都要依靠你朋友、你另一半、你屋企人,幾十歲人只要一個人就船頭驚鬼船尾驚賊,過度保護自己,最終只係一事無成;你乜嘢都要等「有個人陪」先至去做,以香港人個個都咁「忙」嘅性格,你將會錯過好多美好事物。

免得過,當然唔想一個人,但有時當你搵唔到任何人,一個人都唔係萬惡的事。

圖為鴨仔山,由科大行去坑口只需約30分鐘,沿途鋪設完善都冇咩難行或危險位,你係咪咁又要等到有人陪先至去?

 

【延伸閱讀】請珍惜還會應約的朋友(Part 4):下次下次,下次大概已不可以了

【延伸閱讀】我成日諗,香港人係咪真係忙到咁?

 

✨電影網店現已開幕,多款電影海報、電影精品低至$5起,快啲嚟睇啦:https://bit.ly/3qLPkpk

 

如若喜歡本人文章想作定期支持,請即訂閱Patreon加強版,不定期精選深度獨家電影文章及尊享優惠,請即訂閱:https://bit.ly/2TS6BiE

 

感謝各位支持,小弟執筆之原創小說,私人貨存已全部售罄,有意者繼續可到此文章內的連結購買!

 

更多資訊及文章,請Like Fb Page:
【有故事的旅人】
【晞。觀影記事】
MeWe: travelerwithmovie

發表迴響