英文片名：Ouija: Origin of Evil
睇完《安眠醫生》、《陰宅異事》、《陰宅怪事》，對Mike Flanagan嘅往作興趣大增，喺極度無聊已經睇無可睇下，不如自己搞個Mike Flanagan電影節－－其實都係差一兩套未睇，咁就不如睇套極花生嘅《死亡占卜：邪門初開》。
點解極花生呢？事關第一集《死亡占卜》係當年年度爛片之一，據聞爛到不堪入目，足以睇到你中途離場，果陣都冇睇到，但因為極低成本賺到笑，令Universal都要開個續集俾佢，結果落喺Mike Flanagan手上，就將佢變成前傳，而呢套前傳竟然成為當年最好評電影之一。不過，因為《死亡占卜》口碑極差，令《死亡占卜：邪門初開》票房低收，最終成為2016年度遺珠電影之一，連香港都冇上正場（第一集有上），係好少數兩集電影有超極端評價嘅例子。
文字工作者也得要吃飯，你的支持是我寫下去的原動力。請給點心意，給小弟走更遠的路，寫更多好文章，歡迎透過以下QR Code課金以作支持：
同時，你也可透過Payme link：https://payme.hsbc/jackyhei
或Paypal捐款：paypal.me/jackyhei
冇睇第一集《死亡占卜》不作比較，但個連貫位都係片尾彩蛋，所以有冇睇第一集都冇關係。故事講一家人玩通靈板之後賴咗嘢，就咁睇頭果半截你以為都係典型果啲凶宅嘢，後半段原來再有局中有局。拆解真相都係Mike Flanagan一貫嘅層層遞進，雖然未去到後期作品咁成熟，都有少少漏洞，但overall依然係套好爽嘅作品。
都一如Mike Flanagan往作，《死亡占卜：邪門初開》並冇亂咁運用低手嘅Jump scare，嚇人手法往往都係一閃而過果種不寒而慄，運用氣氛營造鋪排去營造壓迫感，最鍾意都係後半段猛鬼出籠下，連某樣你以為靜止嘅嘢都會彈出嚟搞你，呢啲嚇人技倆都係一貫Mike Flanagan嘅創意心思。對於恐怖片迷嚟講，當你以為都係傳統果啲嘢，咁搞法的確令你好有驚喜，都令後半段場重頭戲緊張刺激。即使都係單純「凶宅式」故事，喺一間屋入面玩嚟玩去都搞到咁多花臣，係水準之上嘅作品喇。成套戲無論氣氛、特技效果，甚至小妹妹Lulu Wilson（《詭屋驚凶實錄：造孽》果位小妹妹、《陰宅異事》Shirley年輕版）嘅演出都極有驚喜，加上一個咁簡單故事，有盡曬前呼後應嘅伏筆、兼有微量查案元素，都令故事唔係為嚇而嚇，大概Mike Flanagan接到個Project，都想將爛咗嘅第一集兜返好佢，可惜上映時無人問津，只能成為遺珠。
據講《死亡占卜》有意拍成一個系列，但一套冇口碑有票房、一套有口碑冇票房，最終兩套算數了。
【最新旅遊文章】【吉澳行山】香港最北靜土：鴨洲吉澳一日遊
【最新生活文章】其實，一個人又有咩好怕喎？
✨電影網店現已開幕，多款電影海報、電影精品低至$5起，快啲嚟睇啦：https://bit.ly/3qLPkpk✨
如若喜歡本人文章想作定期支持，請即訂閱Patreon加強版，不定期精選深度獨家電影文章及尊享優惠，請即訂閱：https://bit.ly/2TS6BiE
感謝各位支持，小弟執筆之原創小說，私人貨存已全部售罄，有意者繼續可到此文章內的連結購買！
更多資訊及文章，請Like Fb Page：
【有故事的旅人】
【晞。觀影記事】
MeWe: travelerwithmovie
