一個Post應承咗會分享返以前啲見工趣事，老老實實，早兩年我見過超多工，大部份都係騎騎呢呢，一直有喺自己Facebook當日記咁記低，成日想放返嚟Page，次次放咗一兩篇又冇放，始終奇遇多過頭都唔知點整理，不如就隨心啦，而呢篇正剛剛係「當年今日」彈出嚟。
** 警告：下文含有大量粗口，可能會令部份人情緒不安 **
話說我行緊山，有條友打嚟：「你好我係@#%&@公司，想約你嚟見工嘅」
我：「Sorry聽唔清楚，請問咩公司？」
佢：「你自己apply過咩公司唔知架咩？你冇嘢呀？」
我一星期apply百幾份點知你乜水？
我（已不爽）：「我聽唔清楚問多聲姐」
佢：「聽唔到？聽唔到抄低地址，自己google搵啦，我係唔會repeat架！」
唔知做乜，近年九成公司打嚟都唔肯講自己咩公司、地址又唔肯講，要好似treasure hunt咁搵，都係樂趣嘅。最癡線有一次玩到「逃出」咁，要我解謎又要摸鎖匙仲要估大門密碼——癲架個密碼真係要計數先開到，你真係當test一部份咩？未見工先冇咗一半力。
我：「唔好意思我喺街，我冇筆喺手，你介唔介意send email俾我？」
佢：「我係唔會send架，你寫低啦」
我：「我冇筆喎……一係我遲啲覆你？」
佢：「冇筆自己諗辦法，電話記又好咩都好，咬手指用血寫囉，男人老狗唔係受唔起痛呀？」
我（佢咁態度又幾好玩呀喂）：「吓？我冇紙喎」
佢：「冇紙又點呀？你寫喺衫度囉，喂點用血寫唔係要我教呀？你冇嘢呀？」
我（正呀喂，唔得！好耐冇玩伏工！冇嘢做我點都要會一會你😍）：「得，小姐你冷靜啲，你講，我用腦記低！」
到底份工係咪要玩血？！
抱住人生唔伏唔試精神，我就決定去見工－－其實因為旁邊有座山想行，所以我就行山look咁去見。事但啦，純粹都係好奇去挑戰吓咩嚟。
約10點鐘，我9:55去到，正常丫，冇打算做唔係仲早十分鐘去呀？老細出嚟，原來係打嚟叫我寫血書果個，望一望錶（呢啲唔信人小動作你逃唔過我對眼嘅）：「阿傅生，你都幾遲喎」，我望一望鐘：「吓你約我10點喎！」
「我隻錶過咗十點囉！」（佢望望reception個鐘，知自己柒咗）：「唉事拿但啦差少少！」
見工係佢同sales director，純粹我係上去玩吓見識吓，冇打算認真去見，求其講兩句就算。點知真係兩句，加埋都冇兩分鐘，阿sales director好快咁話：「ok啦，你下星期返唔返到工？」
（你贏，我俾唔到反應）
老細：「你咁chur人做咩姐，見工雙方架嗎，你都要人考慮吓架！」
Sales director：「咁得啦，我唔出聲囉。」
老細：「咁係丫嗎，依家你講定我講姐，我係老細定你係老細？講講講你講咩姐，你依家想點丫？你老母臭閪！」
Wow，有花生。
Sales director戴住口罩都知佢黑面黑到爆：「得啦，都話唔出聲囉，你嘈乜撚嘢呀？」
老細再講多幾句：「拿咁啦，你考慮幾日，我哋再見多幾位，下星期大家再決定？你有冇咩問題？」
我求其問咗幾句，見Sales director咁嬲豬，望住佢問兩句，等佢好落台啦。見過咁多工，對住咩人問咩問題、點樣不失大體，我當然識。Sales director竟然話：「屌，都話撚咗唔出聲囉，我老細好撚多嘢講架、佢好撚把炮架，佢咁撚叻咪等佢講囉。」
老細：「你講乜撚嘢呀！你依家係咪好撚唔鋸先？唔鋸出聲囉，三口六面講清楚囉，單單打打做咩？」
Sales director：「喂依家係你屌鳩我先喎，邊撚個單單打打呀？」
老細：「Fine，你叻囉，你大曬囉，俾埋我個位你坐啦！好冇呀柒頭！」完全係兩個八婆超級大戰。
呢個時候發現我仲喺度，準備拎包花生出嚟食：「傅生我送你出去先啦。」
頂，包花生冇得食。
文字工作者也得要吃飯，你的支持是我寫下去的原動力。請給點心意，給小弟走更遠的路，寫更多好文章，歡迎透過以下QR Code課金以作支持：
同時，你也可透過Payme link：https://payme.hsbc/jackyhei
或Paypal捐款：paypal.me/jackyhei
臨送到門口，Sales director仲屌屌聲，而老細循例問：「點呀呢度難唔難搵？」老老實實堅難搵，落巴士後仲要上山嘅，我都循例答：「有少少難，但都ok嘅。」
老細：「吓咁都話難？你唔係呀？咁大個人你唔識用Google Map架？有幾難呀？你都幾蠢架喎！」
呢條友真係串L到，咁你又問？我見到Sales director塊面燶到炸開企喺後面，我忍唔住講：「我難唔難搵一回事啦，你點settle返你同事，應該都有難度囉，加油喇你！」
老細喺Sales director面前講：「挑，果啲垃圾廢人唔駛理啦！」
其實我想睇埋故事如何發展。
然後，佢隔幾日打嚟話請咗我。
伏味特濃，我當然得啖笑推咗。雖然，我有一刻想以身試伏入去玩一陣，但如我上一個Post所講，無謂搞到人，亦無謂玩自己啦。
俾你，你做唔做？
話說呢，家陣堅好興係唔俾地址人見工，我之前都試過另一份係咁，對話相都相當有趣，相關故事請睇留言連結。
【延伸閱讀】見工奇遇記7：做得呢行就要All-rounded啦！
「晞。觀影記事」Patreon加強版已經開幕，精選深度獨家電影文章，請即按此訂閱！
✨電影網店現已開幕，多款電影海報、電影精品低至$5起，快啲嚟睇啦：https://bit.ly/3qLPkpk✨
感謝各位支持，小弟執筆之原創小說，私人貨存已全部售罄，有意者繼續可到此文章內的連結購買！
更多資訊及文章，請Like Fb Page：
【有故事的旅人】
【晞。觀影記事】
MeWe: travelerwithmovie
