英文片名：Jackass 4.5
首先要重申Netflix《死蠢鬥一番4.5》並唔係《死蠢鬥一番4》，比較係《死蠢鬥一番4》製作特輯，中間再多幾個癡線game咁，如果冇睇《死蠢鬥一番4》就咁睇，投入感差少少，但派拉蒙已講明《死蠢鬥一番4》香港唔會上正場，點樣睇到自己諗。
不過，即使冇睇《死蠢鬥一番4》，呢套《死蠢鬥一番4.5》都係有佢嘅可觀性。《死蠢鬥一番4》誕生喺疫情期間，作為一套咁癡線、唔病都變有病嘅「遊戲節目」，劇組開拍冇耐都要停拍；復工之後，呢班人都本住搞鬼玩命本色，繼續大玩癡線遊戲，當中「刺身」一幕，疫情前玩已經覺得癡線，疫情後玩簡直佩服班人嘅膽色。
呢個系列一直都俾人話教壞人，但喺今時今日Tiktok世代，有更多人做更多癡線無聊事，呢班人咁樣「認真做柒事」，做好多你現實有諗過但未必敢做嘅自殘事，睇落又幾治癒。無聊就梗架喇，但喺呢個悲情世代下，連COVID Test過程都可以整人，苦中作樂，佢哋又俾人整得開心。如我前幾日所講，放鬆啲啦香港人，睇完都會令你幾開心。
文字工作者也得要吃飯，你的支持是我寫下去的原動力。請給點心意，給小弟走更遠的路，寫更多好文章，歡迎透過以下QR Code課金以作支持：
同時，你也可透過Payme link：https://payme.hsbc/jackyhei
或Paypal捐款：paypal.me/jackyhei
製作特輯竟然都睇到有少少感動係，對上一套《死蠢鬥一番》原來已經係十年前嘅事，十年一事幾番新，你身邊嘅朋友可能已經唔再係朋友，都唔會再見面，但呢班人十年之後仲可以咁樣一齊玩、一齊整蠱對方。對於正常人嚟講，玩到咁大，又玩屎又玩尿甚至無啦啦禁錮人，唔反面都假，但睇住呢班人十年之後，仲可以玩得咁癲咁放（當然唔排除中間有少少戲劇效果，都有劇本跟嘅），感覺到佢哋真係玩得開心玩得放，並唔係單純為咗個片酬。
呢個系列，係就係無聊，但就算你睇製作特輯都會笑得出，或者正係我哋呢個壓抑年代，最需要嘅釋放。
【最新生活文章】見工奇遇記（Part 9）：你唔得閒，我都唔得閒
【最新生活文章】見工奇遇記（Part 8）：家陣見工定見血？！
✨電影網店現已開幕，多款電影海報、電影精品低至$5起，快啲嚟睇啦：https://bit.ly/3qLPkpk✨
「晞。觀影記事」Patreon加強版已經開幕，精選深度獨家電影文章，請即按此訂閱！
感謝各位支持，小弟執筆之原創小說，私人貨存已全部售罄，有意者繼續可到此文章內的連結購買！
更多資訊及文章，請Like Fb Page：
【有故事的旅人】
【晞。觀影記事】
MeWe: travelerwithmovie
