話說Agent refer得你工，十之九十唔係假就係伏，呢次上到去仲正，變咗另一樣嘢，一打開written test，喂咩嚟架？！點解要改圖？！我睇返agent JD，喂錯department喎！我同返帶我入嚟條友講，佢話冇錯，係你個部門喎！見得呢一行，成日都會有好多奇奇怪怪面試，都已經習以為常，但反正都冇諗住做，why not have a try？嚇我唔到嘅！
唔緊要，作為一個專業interviewee，一星期都做咗十幾份test，絕對唔係流，即轉tone！見工變第二個部門？我再轉！腦海我有十個flow廿個故事，接到！
開始之前，已經同佢講咗，你哋同事好似「見錯工」，但部門主管聲稱冇問題，而我又答得到。當你見工見到一個崩潰嘅地步時，一方面心態係咩都見下、另一方面都當咗係生活一部份，既然都去到咪見吓囉。
見到最後，果個明顯冇睇過我CV嘅部門主管，突然驚覺佢真係見錯工：「咦，咪住先，你等等，係咪搞錯咗Application呢？」
我毫不猶豫答：「係，你哋搞錯咗，我頭先已講咗最少三次，不過你哋都話係啱。」
部門主管好尷尬話：「我諗係我．．．丫，我同事（擺明係你）搞錯咗，你等一等，我再搵第位同事見，唔好意思。」
頂你個肺，我因此又等多15分鐘，然後，另一位唔知乜水又入嚟，我又重新見一次、重新講一次。經過「見錯工」都俾我兜到後，我已經對答如流，而個「唔知乜水」對我好有興趣咁。
「其實我睇你咁多experience，又有Leading經驗，以你呢個年資同經驗，唔應該做operation位，你有冇信心做Senior位？其實做就差唔多，不過可能睇多一層，睇住班細咁樣。」
「我OK嘅，可以試吓，我都有過啲管理員工經驗，亦做過部門主管，有做Project management經驗。（然後同佢分享，下刪，唔係重點）」
「咁冇問題丫，不如我轉你做Senior位啦，我再同Line Manager講你個Case，你等等。」
「好呀，冇問題，唔該你先。」
（其實我已經覺得伏伏地，但佢唔知去邊搵個Line Manager又傾多30分鐘，我又呆等）
佢入返嚟話：「Line Manager都覺得你OK（心諗點解佢又唔入嚟），咁我想問返，你呢個情況下expected salary係幾多？」
（我其實唔知，已經見到我唔知見緊咩，但嚇我唔到嘅，照我expected講多幾千蚊）
「呢個有少少高，你可唔可以adjust一下？」
我再減返2K，其實我預你班友亂咁壓，已經叫高咗。
「er… 都有少少高。」
「咁你哋可以offer係幾多？」
「如果你13k有冇問題？」
「（我有冇聽錯）吓？Sorry你話13？」
「係呀。」
「Senior喎？睇埋成條Team喎？」
「係呀，其實呢個salary point，我哋剛剛今個年度已經提高咗。」
「咁我好奇如果Junior幾多錢？」
「Junior大約9k啦」
「我有冇聽錯？Senior真係13k？你哋好好福利？」
文字工作者也得要吃飯，你的支持是我寫下去的原動力。請給點心意，給小弟走更遠的路，寫更多好文章，歡迎透過以下QR Code課金以作支持：
同時，你也可透過Payme link：https://payme.hsbc/jackyhei
或Paypal捐款：paypal.me/jackyhei
「係呀，其實算好好架喇，主要你預返OT唔多嘅，一個星期唔駛日日都O，三至四日啦，一般就11點前走得，都想同事趕到尾班車，咁我哋返工時間係自由嘅，你朝早11點前返到就得。」
雖然我不斷同自己講，你嚇我唔到嘅，玩到咁我仲同你做落去，應該自討苦吃。
冇補水冇補假，9K應該唔過最低工資，係咪可以勞工處見？呃你返工亂吹人工、吹到連自己都呃埋唔係未試過，呢啲咁厚顏無恥，都係第一次見。
成日都話Digital Marketing人工癡L線、agency更甚，呢間都算係世界級。更憎嘅係，成日會同你講「做得呢一行就要All-rounder」。有日入職要求要識埋煮飯都唔奇，原因你咪理啦。
【延伸閱讀】見工奇遇記（Part 17）：20分鐘搞掂1個鐘Written test？
✨電影網店現已開幕，多款電影海報、電影精品低至$5起，快啲嚟睇啦：https://bit.ly/3qLPkpk✨
「晞。觀影記事」Patreon加強版已經開幕，精選深度獨家電影文章，請即按此訂閱！
感謝各位支持，小弟執筆之原創小說，私人貨存已全部售罄，有意者繼續可到此文章內的連結購買！
更多資訊及文章，請Like Fb Page：
【有故事的旅人】
【晞。觀影記事】
MeWe: travelerwithmovie
