分享咗咁多見工奇遇記，大多數都係講智障兼冇禮貌嘅HR同部門主管，但好多時遇到奇怪對手，都會令你唔知點招架，尤其是Group Interview。
大學讀酒店管理，最初出到嚟自然就係搵酒店相關工，見得酒店一般都會有Group interview，無論你鍾唔鍾意，做得服務性行業都會咁，預咗會唔公平，好多時根本睇樣，但都要面對。
有幾次Group interview遇到豬隊友都會令你好嬲，例如我人生第一份見嘅長工係國X航空嘅空少，果時個個同學都必apply，人見我又見，其實都唔知做乜要見。Group interview遇到個英文都未識講嘅人，小組討論講到好地地，佢突然大聲加插一句”NO!! YOU ARE ALL WRONG!!”，全場靜曬望住佢，我永遠記得呢一幕。當大家講落去，佢會無啦啦大叫：”NO!! YOU SHUT UP!!” 似係嚟嗌交多於一切，但佢又俾唔到任何意見。
以為呢條友一定唔會請，結果我響做咗空姐嘅同學FB見到佢嘅合照，除左心中大叫「唔撚係呀？」之外，都深明有啲工，學歷經驗，甚至實力都唔多最重要。果次之後，我對呢間公司冇任何興趣。
不過，最有趣都係呢次。
話說果時去半X酒店見工，Group interview又有個奇人。
對比起國X果位，佢答問題九唔搭八，英文又的確係勁嘅，完完全全係自我感覺極良好嘅「偽ABC」，例如好傳統一句問點解要請你唔請你對手，佢竟然話：”Well, I think I am the best among us” 我忍笑忍得幾辛苦。
然後，無論人地問乜問題，都淨係用「踩舊公司抬高新公司」呢一招，擦鞋擦到天花龍鳳，點都兜到間舊公司黎鬧，hyper到差d一個「shit」字爆出口，好在收得返，但把口一路唔收，鬧到答完問題仲對住HR係咁鬧：”I think XXXX hotel is really a mess, HOW COME? Did you work there before?”
俾我係個HR都唔知俾乜反應佢。
點解要刻意標明半x酒店呢，就係最後HR問返大家點解想揀呢間酒店，其實唔難吹，佢竟然答：「Well… 因為你哋酒店係香港好少可有直昇機停機坪嘅酒店，that’s nice!」
HR本能咁問：「Em… 直昇機主要都係俾客人嘅，唔通你會坐直昇機返工？」
偽ABC理所當然：「Maybe, why not?」
HR：「哈哈，咁睇嚟你屋企都幾有錢喎，做咩要嚟做Front desk？我都未搭過直昇機呀」
偽ABC完全唔知人串緊佢：「Honestly，你做得呢間酒店，you have to try it!」
HR：「你真係諗住坐直昇機返工？」
文字工作者也得要吃飯，你的支持是我寫下去的原動力。請給點心意，給小弟走更遠的路，寫更多好文章，歡迎透過以下QR Code課金以作支持：
同時，你也可透過Payme link：https://payme.hsbc/jackyhei
或Paypal捐款：paypal.me/jackyhei
偽ABC竟然唔知人諷刺緊佢，繼續講佢前公司冇直昇機坪太垃圾，搞到HR都唔再理佢，轉移問我哋幾個，點知我哋未答完佢仲不斷俾comment：「Well, you got your point! That’s good!」
最後要HR截住佢：「你可唔可以俾人答埋先？」佢先至識收聲。
果次表現唔好，一來俾佢不斷騷擾，二來俾佢搞到我忍笑忍得好辛苦，都明顯見到其他對手都忍緊笑😂
希望，佢最後冇被請，唔係呢個世界仲公平咩？
雖然話Digital marketing世界有好多奇怪公司，但其實酒店一樣都有，就例如有一次「消失的面試」，我到依家都唔知發生咩事。見酒店工雖然比Digital marketing正常，但都有好多古靈精怪Interview，有機會再分享吓。
【延伸閱讀】見工奇遇記（Part 18）：做Senior埋單Fresh Grad價？
✨電影網店現已開幕，多款電影海報、電影精品低至$5起，快啲嚟睇啦：https://bit.ly/3qLPkpk✨
「晞。觀影記事」Patreon加強版已經開幕，精選深度獨家電影文章，請即按此訂閱！
感謝各位支持，小弟執筆之原創小說，私人貨存已全部售罄，有意者繼續可到此文章內的連結購買！
更多資訊及文章，請Like Fb Page：
【有故事的旅人】
【晞。觀影記事】
MeWe: travelerwithmovie
