16週年搞搞新意思！舊年包場一鋪俾成十萬條數差啲返唔到嚟，日日提心吊膽，今年唔覺有好mass吸引到人嘅戲，包唔包場仲諗緊。
每年都有讀者朋友話包場時間太少，好難傾到計，就算分享會都一樣，不如今次就分享會溝埋聚會，將個場book得耐啲啦！上次古巴好多人有興趣，今次再講多場，加投票次熱門嘅阿根廷，中間可以食嘢傾計。大家話星期六唔得，投票最多人話想星期日，今次連埋之後都係公眾假期，應該方便喇掛？
試下新諗頭，今次唔計收唔收得返場租，唔先睇人頭、場租已俾，點都照去！
詳情：
日期：2024年6月30日（星期日）
地點：油麻地窩打老道20號金輝大廈一樓6室 塔冷通心靈書舍（油麻地站B2出口）
時間：14:00 – 18:30 古巴場：14:00 – 15:30 阿根廷場：16:15 – 17:45
票價：一場$90/位（Patreon用戶$70/位）、兩場$150/位（Patreon用戶$130/位）。入場費包含飲料，中場休息時間會設有refreshment供享用，如只報名阿根廷場，亦歡迎15:30來臨
古巴場內容：
最基本古巴行程注意事項：古巴唔係傳統就咁入境就得地方，入境要準備啲咩？需要去幾耐？入境前要download定啲咩？缺少咗你旅行都分分鐘去唔到！古巴電影朝聖：8毫子港紙睇場戲？古巴都有條戲院街！古巴又有咩荷里活電影真／假喺度拍過？你預料唔到嘅生存方式：去得中南美都要預咗旅行嘅不安定，古巴都一樣，仲更甚！衣食住行連錢銀方面，都有好多上網都唔會搵到嘅嘢！突破古巴最傳統思維：古巴作為一個共產國度，入面環境係點？係咪治安好差？親身經歷話你知！古巴有乜好玩：最傳統去Havana聽吓歌搭下老爺車、「金三角」旅遊點一星期都玩完啦！兩三星期都有得玩！有咩地方一定要去、有咩必食必飲，其他地方搵唔到嘅古巴菜？阿根廷場內容：阿根廷係成個旅程睇得最多戲地方之一，特色戲院環境分享、遇上全民睇戲日又係咩玩法？阿根廷成個國家都係仙境級景點，都係最鍾意南美國家第一位，最人氣同最隱世地點推薦！阿根廷唱錢奇聞：無論物價變成點，當然要識得精明換錢，跟官方價貴幾倍！換錢方式大公開！去得阿根廷梗要去埋相連國家，鄰近烏拉圭同巴拉圭有乜好玩？兩個國家點樣玩？阿根廷點少得相連智利百內國家公園健行，五日行程路線分享、用驚險故事拆解注意事項！去埋圖中經典「Patagonia山」，上山有咩挑戰？去阿根廷總會食燒肉，除咗燒肉都有好多特色菜推薦！
最後都會有時間俾大家Q&A，兩場中間空檔時間都歡迎大家傾吓計啦！
付款方式：
– Payme付款：https://payme.hsbc/jackyhei
– 如需用銀行入數或FPS付款方式，請inbox查詢。
– Paypal：不建議
如果要用，連手續費每位加$20。paypal.me/jackyhei確認流程：（重要）
– 請付款後將payme/入數/FPS/paypal付款確認信息cap圖或影相，（如查詢入數或FPS帳戶，或會影響付款時間）填妥以下表格：https://bit.ly/travelerwithmovie_cuar
填妥後喺Facebook或Instagram PM我，並提供以下信息：
Google Form登記名字（Patreon請列明用户名稱）
一如以往，我唔介意你俾多當課金，但為免誤會，如果你課金，請加句「有多當課金」
– 我會喺你inbox信息發出24小時內回覆你一個確認號碼。有確認號碼方為成功參加，當日憑確認號碼入場。
– 萬一我24小時內真係冇覆你，麻煩講多次或留言話我知。
– 當日必須有確認號碼先可以入場
所有付款後必須Inbox我，取得確認號碼
– 如果驚我miss咗，歡迎加多個留言告知已付款。
– 除非活動因不可抗力因素被取消，否則所有付款都不獲退款。
活動如搞唔成的話點退款？
– 活動名額先到先得（以完成付款及成功取得確認號碼計）。若有幸滿座但你又已經比咗錢，你會一星期內收到退款
– 退款方式：你點俾錢我就點退錢（Payme就Payme，入數就入數）
（重要重要）私人原因嚟唔到，或因OT或因屋企人突然生日或隻狗突然病咗唔俾你入場，不設退款
搞呢類活動愈嚟愈難，加上太多人離開香港，每次人數都不斷咁跌，今次搵場地走訪唔同地方、用咗好多時間，真係想同大家聚聚，希望可以見到大家啦
