每次搭紅van見到有外國人就覺得佢哋好犀利，又或者講，唔知邊個咁大整蠱叫佢哋搭紅van，想佢體驗香港文化？
話說搭架小巴經過旺角東站，有一堆人落車，有個外國人問：Is it MongKok Metro Station？佢正準備落車，司機大叔理都冇理，一嘢嘭埋度門：No la! 外國人再問：So when will I arrive Mongkok Metro Station？
司機大叔好有霸氣咁嗌：SIT DOWN！
外國人繼續問：Is it here? Arrived yet?
司機大叔：叫你Sit down呀屌你老母，上車唔知自己去邊問問問，唔識睇中文咪上車啦，正仆街！
我見到佢都覺得無奈，幫口：Not yet, I am going there too, I will show you.
外國人好興奮，即刻坐落我隔離，司機大叔仲講：屌你老母戇鳩鳩咁！
諗返以前喺羅馬尼亞旅行，周街冇英文，搭長途巴士都同紅van冇乜分別。當地人唔識英文，上咗車你真係唔知啱唔啱，就算啱都唔知幾時落車，有次遇到個識英文嘅人，唔止話我知幾時落車，仲落完車帶我去hostel、講埋附近有咩好食，堅係感咗個動。
易地而處，我懂的。語言不通又冇人幫你，真心賴嘢，一次半次覺得好有冒險feel，整多幾次覺都唔敢訓你就覺煩。
外國人係蘇格蘭人，用半年由大陸玩到落東南亞，點解佢敢搭紅van，因為佢喺大陸搭大巴仲無奈，冇人識英文仲俾人老點，搭咗去第個地方。佢諗住香港點都好啲，但原來紅van司機都係唔識聽。我叫佢香港咁方便，有得揀唔好搭紅van啦，點知佢話係Hostel叫佢搭，多謝晒。
佢想去Ladies Market行街，之後再去尖咀睇夜景，我落完車有時間都一盡地主之誼，帶埋佢去女人街，溫馨提示記得講價。
分別前佢問我頭先個司機講乜，我都費事講佢想Fuck your mother：Just some meaningless word, welcome to Hong Kong!
【延伸閱讀】室友啪啪啪
【延伸閱讀】我要坐窗口位！
請給點心意，給小弟走更遠的路，寫更多好文章！ 🙂
原創小說已於香港正式上架，各大書局均有代售，海外讀者亦可於網上書店購買，詳情請看：goo.gl/3g4Hk8
台灣書局兼網上平台亦已上架，可去文中連結購買：goo.gl/xzCymP
更多資訊及文章，請Like Fb Page：
【有故事的旅人】
IG請Follow：
#travelerwithmovie
