分享咗十幾篇見工奇遇記，不如抽離一下唔花生，分享吓太多見工奇遇後感想。其中一樣感受最深嘅係，見你果個係咪外國人，有好大分別。
如果佢係香港人，一定會問你Gap咗時去邊、唔會信你間公司執笠，之後你要時間搵工，但係外國人唔會care你gap幾耐，都會信呢個世上有好多濕鳩公司；香港人冇人會問你Working holiday學到乜，係一個都冇、外國人每一個都會問，係每一個；香港人有90%都唔會睇你send俾佢portfolio，嚟到先鳩問一通，外國人100%會睇。
如是者，我對住外國interviewer用英文傾個半鐘，都自在過同香港人用廣東話傾半個鐘；香港人in你嘅老屎忽十個有九個當你仇人，preset你呃緊佢，係要自以為是喺你CV搵嘢去抽秤，外國人真係好友善咁傾計，請唔請都好，起碼人哋明你諗乜、尊重你生活同過去。
有次見工遇到位愛爾蘭人，佢去過紐西蘭Working holiday、之後去澳洲玩咗半年，佢好驚訝我連Flinders Ranges National Park都有去，我都驚訝佢都有去。我一般唔會同人解釋長旅行，既然佢當年由澳洲經復活節島入南美再玩多一年，我都唔爭在講埋我都去咗南美；佢都有爬過幾座智利火山，周身酸痛但景色一生難忘。
文字工作者也得要吃飯，你的支持是我寫下去的原動力。請給點心意，給小弟走更遠的路，寫更多好文章，歡迎透過以下QR Code課金以作支持：
同時，你也可透過Payme link：https://payme.hsbc/jackyhei
或Paypal捐款：paypal.me/jackyhei
由此，傾起呢堆旅程我學到啲咩、有咩故事、識到咩人，我好興奮講完一大輪，都唔好意思加句，可能拉得遠咗, but I am sure that is one of my fruitful experience in my life. 佢竟然會覺得，你識到咩人自會睇到你咩personality、你點同人相處自會反映到你份工做得好唔好，connection嘅嘢話唔埋，可能有日萍水相逢hostel roommate會做咗你business partner.
我唔敢講香港或者亞洲冇人咁諗，但大部份腦閉塞高層淨係想要個工接工冇生活，除咗返工咩都唔識嘅人，最好就唔好叻過佢有思考過佢。先唔好講請唔請，但你見我時，我都睇緊你公司，成日講，求職唔係我一定要求你，見過咁多工，邊個有心邊個冇心、邊個有料邊個扮嘢、邊個有聽你講嘢邊個冇，睇得出嘅。
見一份工既可以入我「見工奇遇記」一部份，都可以係一場唔錯嘅吹水，請唔請都好，交換個卡片當交個朋友，都好丫。
最重要係，外國人見你一定唔會遲到，起碼我遇過嘅係，never.
【延伸閱讀】你未搵到工做咩辭職？
【延伸閱讀】到底香港發生乜事：無才便是德？
✨電影網店現已開幕，多款電影海報、電影精品低至$5起，快啲嚟睇啦：https://bit.ly/3qLPkpk✨
「晞。觀影記事」Patreon加強版已經開幕，精選深度獨家電影文章，請即按此訂閱！
感謝各位支持，小弟執筆之原創小說，私人貨存已全部售罄，有意者繼續可到此文章內的連結購買！
更多資訊及文章，請Like Fb Page：
【有故事的旅人】
【晞。觀影記事】
MeWe: travelerwithmovie
